Дар солҳои соҳибистиқлолӣ дар Бадахшон беш аз 100 корхонаи нави саноатӣ таъсис дода шуд
ДУШАНБЕ, 14.10.2024 /АМИТ «Ховар»/. Дар Вилояти Мухтори Кӯҳистони Бадахшон ҳаҷми истеҳсоли маҳсулоти саноатӣ мунтазам афзуда, соли 2023 ба 215 миллион сомонӣ расонида шуд, ки нисбат ба соли 1993 3,5 баробар зиёд мебошад. Ин нуктаро Президенти Ҷумҳурии Тоҷикистон муҳтарам Эмомалӣ Раҳмон 14 октябр зимни суханронӣ дар мулоқот бо роҳбарон ва фаъолони Вилояти Мухтори Кӯҳистони Бадахшон таъкид намуданд.
Иброз гардид, ки танҳо дар моҳҳои январ – августи соли 2024 ҳаҷми истеҳсоли маҳсулоти саноатӣ ба 160 миллион сомонӣ баробар гардида, нисбат ба ҳамин давраи соли 2023 36 фоиз афзудааст. Дар солҳои соҳибистиқлолӣ дар ҳудуди вилоят зиёда аз 100 корхонаи нави саноатӣ, аз ҷумла танҳо дар ду соли охир 56 корхона таъсис дода шудааст. Дар ин давра дар вилоят беш аз 100 коргоҳи хурди саноатӣ бунёд ва ба истифода дода шуд. Истеҳсоли маҳсулоти саноатӣ аз 10 номгӯйи соли 1991 ҳоло ба беш аз 60 номгӯй расидааст.
«Бо вуҷуди ин, таъкид менамоям, ки шумораи корхонаҳо ва ҳаҷми истеҳсоли маҳсулоти саноатии вилоят ҳанӯз ба захираву имконияти саноатии он мутобиқ нест. Зеро Вилояти Мухтори Кӯҳистони Бадахшон дорои захираҳои бойи табиӣ буда, дар ҳудуди он даҳҳо кону зуҳуроти маъданҳо ва канданиҳои фоиданок вуҷуд доранд»,-таъкид намуданд Сарвари давлат.
-Ҳукумати мамлакат, Вазорати саноат ва технологияҳои нав ва Саридораи геология бояд дар масъалаи истихроҷ ва коркарди онҳо тадбирҳои зарурӣ андешанд,-дастуру супориш доданд Президенти Тоҷикистон.
Бояд гуфт, ки дар қаламрави Вилояти Мухтори Кӯҳистони Бадахшон ҳазорҳо намуд гиёҳҳои шифобахш ва чашмаҳои табобатӣ мавҷуд мебошанд, ки аз ҷумлаи афзалияти ҳанӯз пурра истифоданашуда мебошанд.
АКС:АМИТ «Ховар»
Дар Тоҷикистон ҳаҷми истеҳсоли маҳсулоти кишоварзӣ 8,5 фоиз афзоиш ёфтааст
Корхонаи воҳиди давлатии «Почтаи Тоҷикистон» фаъолияташро дар шакли муосир ба роҳ мондааст
Дар Тоҷикистон 1028 гармхонаи доимамалкунанда мавҷуд аст
Пешвои миллат Эмомалӣ Раҳмон дар ноҳияи Бобоҷон Ғафуров корхонаи коркарди меваю сабзавот, истеҳсоли нӯшокиҳои ташнагишикан ва афшураҳои мевагии ҶДММ «Сирдарё»-ро ба истифода доданд
Дар ноҳияи Ҷайҳун ҷамъоварии сабзӣ идома дорад
Президенти Ҷумҳурии Тоҷикистон Эмомалӣ Раҳмон дар шаҳри Бӯстон корхонаи истеҳсоли хӯроки чорво ва парандаи ҶДММ «Базаи таъминот»-и ширкати Барсро ифтитоҳ намуданд
МАВСИМИ ХУРМО ФАРО РАСИД. Аз истеъмоли ин мева барои саломатӣ истифода бояд бурд
Барои кишти соли 2027 беш аз 218 ҳазор тонна картошкаи тухмӣ захира мегардад
Дар нуҳ моҳи соли 2026 беш аз 15 ҳазор аъзои иттифоқи касаба ба солимгардонӣ фаро гирифта шуданд
Рушди низоми миллии зондкунии фосилавии Замин дар Тоҷикистон баррасӣ гардид
Дар Тоҷикистон вазъи мелиоративии беш аз 91 ҳазор гектар замин беҳтар гардонида мешавад
БЕХАТАРИИ КӮДАКОНРО ДАР РОҲҲО ЗЕҲНИ СУНЪӢ ТАЪМИН МЕСОЗАД. Байни Тоҷикистон ва Корея санади ҳамкорӣ ба имзо расид
