«ДУШАНБЕ-ОЯНДАИ ҲУШМАНД ВА УСТУВОР». Таҳти чунин унвон имрӯз Форуми миллӣ оид ба Шарҳи ихтиëрии маҳаллӣ доир шуд
ДУШАНБЕ, 22.10.2024 /АМИТ «Ховар»/. Имрӯз дар шаҳри Душанбе таҳти унвони «Душанбе — ояндаи ҳушманд ва устувор» Форуми миллӣ оид ба Шарҳи ихтиëрии маҳаллӣ доир гардид, иттилоъ медиҳад АМИТ «Ховар».
Муовини Раиси шаҳри Душанбе Абдураҳмон Абдураҳмонзода иброз намуд, ки Мақомоти иҷроияи ҳокимияти давлатии шаҳри Душанбе аз 28 марти соли 2023 таҳия ва омодасозии Шарҳи ихтиëрии маҳаллии шаҳри Душанберо шуруъ намуд. Шарҳи ихтиëрии маҳаллӣ раванде аст, ки мамлакат тавассути он вазъи рушди иқтисодию иҷтимоиро дар сатҳи шаҳр ва пешравиҳоро ҳамчун раванди пайгирӣ ва механизми бознигарӣ дар самти татбиқи Рӯзномаи глобалӣ барои давраи то соли 2030 арзёбӣ ва пешниҳод менамояд.
Ҳамчунин гуфта шуд, ки Ҷумҳуриии Тоҷикистон чун узви комилҳуқуқи ҷомеаи ҷаҳонӣ уҳдадориҳои худро бобати татбиқи Рӯзномаи глобалӣ барои давраи то соли 2030 оид ба рушди устувор ҳанӯз соли 2015 қабул намуда буд. То имрӯз аллакай ду маротиба Шарҳи ихтиëрии маҳаллиро оид ба дастовардҳои мамлакат дар самти татбиқи Ҳадафҳои рушди устувор муаррифӣ намудааст.
Ҳадафи Шарҳи ихтиëрии маҳаллӣ- ин баррасии самту имконияти рушди пойтахт дар раванди ноилшавӣ ба Ҳадафҳои Рушди Устувор бо такя ба қарору технологияҳои ҳушманду устувор мебошад.
Иттилоъ дода шуд, ки пойтахти мамлакат- шаҳри Душанбе дар Ҷумҳурии Тоҷикистон ва минтақаи Осиёи Марказӣ яке аз аввалин шаҳрҳое аст, ки Шарҳи ихтиëрии маҳаллии худро оид ба дастовардҳои рушд ва ноилшавӣ ба Ҳадафҳои рушди устувор дар арсаи байналмилалӣ пешниҳод мекунад.
Дар таҳияи ин шарҳ Душанбе пайравӣ ба таҷрибаи миллиро ҳамчун замина барои рушди ҳамкории бисёртарафа, таҳким бахшидани мавқеи мамлакат дар сатҳи ҷаҳонӣ ва ҷалби шарикони наву сармоягузориҳо истифода мебарад.
Абдураҳмон Абдураҳмонзода афзуд, ки Рӯзномаи ҷаҳонии рушди устувор барои давраи то соли 2030 ба ҳуҷҷати асосии стратегии шаҳр, яъне Барномаи рушди иҷтимоию иқтисодии шаҳри Душанбе барои давраи то соли 2025 пурра ҳамгиро карда шудааст.
Дар ҷараёни ҳамоиш дигар намояндагони мақомот ва шарикони рушд маъруза намуда, тамоми бахшҳои ҳаëти иқтисодӣ ва иҷтимоии пойтахти мамлакатро дар доираи ин ҳадафҳо мавриди таҳлилу баррасӣ қарор доданд.
Зарангези ЛАТИФ,
Тоҳири САИД,
АМИТ «Ховар»
АКС: АМИТ «Ховар»
Доир ба татбиқи «Ҷадвали тақвими чорабиниҳои Иди байналмилалии Наврӯз дар шаҳри Душанбе барои соли 2025» ҷаласа баргузор шуд
МАРОМНОМАИ СОКИНИ ПОЙТАХТ. Муҳаббатамонро ба шаҳри Душанбе — муаррифи таъриху фарҳанги миллат бо рафтори намунавӣ собит намоем
«САЙРИ САДА». Дар Душанбе таҳти ин унвон барои иштирокдорон ва меҳмонони хориҷӣ хатсайрҳои сайёҳӣ ташкил гардид
«БАРНОМАИ МИЛЛӢ ОИД БА БАРҲАМДИҲИИ ШАКЛҲОИ БАДТАРИНИ МЕҲНАТИ КӮДАКОН». Қарори Раиси шаҳри Душанбе оид ба амалишавии он дар пойтахт ба тавсиб расид
Қарори Раиси шаҳри Душанбе оид ба шарҳу тавзеҳи Паёми Президенти Ҷумҳурии Тоҷикистон ба тасвиб расид
«САЙРИ САДА». 1 феврал барои меҳмонон ва сокинони пойтахт хатсайрҳои сайёҳии ройгон ташкил мешаванд
Тақвими чорабиниҳои Иди байналмилалии Наврӯз — 2025 дар шаҳри Душанбе тасдиқ гардид
Дар Душанбе Муассисаи давлатии «Лоиҳакашии роҳҳои автомобилгард» таъсис дода мешавад
Соли 2025 дар Душанбе 6 муассисаи таҳсилоти миёна ва 9 муассисаи томактабӣ сохта мешавад
Дар Душанбе Муассисаи давлатии «Маркази рушди истеъдодҳои соҳаи санъат» таъсис дода мешавад
Рустами Эмомалӣ аз Палатаи ҳисоб дархост намуданд, ки кори мақомоти шаҳри Душанберо санҷад
Озмуни шаҳрии «Беҳтарин донандаи китобҳои Пешвои миллат» ҷамъбаст гардид
