ХИЗМАТ БА ВАТАН ШАРАФИ ҶАВОНМАРДИСТ! Ҷавонони далери ноҳияи Ҷаббор Расуловро ба хизмати ҳарбӣ гусел намуданд
ДУШАНБЕ, 02.10.2024 /АМИТ «Ховар»/. Зиёда аз 170 ҷавони далеру шуҷои Ватан аз ноҳияи Ҷаббор Расулов ба таври ихтиёрӣ, бо дарки масъулияти баланд ва ҳисси меҳанпарастӣ ба комиссариати ҳарбӣ омада, ба хизмати ҳарбӣ раҳсипор шуданд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Ҷаббор Расулов хабар медиҳад.
Ба ин хотир 1 октябр дар саҳни Қасри фарҳанги «Гулистон»-и ноҳия ҳамоиши гусели тантанавии даъватшавандагон ба хизмати ҳарбӣ баргузор шуд.
Дар ҷамъомад иброз гардид, ки Президенти Тоҷикистон, Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон сиёсати давлатии ҷавононро яке аз рукнҳои аввалиндараҷаи сиёсати Ҳукумати ҷумҳурӣ шуморида, таъкид медоранд, ки «саҳми ҷавонон дар ҳифзи Ватан-Модар шоистаи таҳсин буда, онҳо дар тамоми ҷузъу томҳои Қувваҳои Мусаллаҳ ва дигар сохторҳои ҳарбӣ содиқона хизмат мекунанд ва дар ҳимояи сарҳади давлатӣ низ нақши бузург доранд».
Дар маъракаи даъвати тирамоҳии ҷавонон ба хизмати ҳарбӣ Ҷамоати деҳоти Гулхона 100 фоиз, Ҷамоати деҳоти Ҳаёти нав 100 фоиз ва Ҷамоати деҳоти Деҳмой 100 фоиз нақшаи даъватро иҷро намуданд. Инчунин Ҷамоати шаҳраки Меҳробод 71 фоиз, Ҷамоати деҳоти Ғӯлакандоз 87 фоиз ва Ҷамоати деҳоти Сомониён 74 фоиз нақшаи даъвати тирамоҳиро иҷро намуданд.
Таъкид гардид, ки дар шароити имрӯза барои будубоши хизматчиёни ҳарбӣ аз ҷониби Ҳукумати Тоҷикистон ва Вазорати мудофиаи мамлакат шароити хуби хизматӣ ҳамаҷониба фароҳам оварда шудааст.
Раиси ноҳия ба падару модарон барои тарбияи фарзандони ватандӯст ва бономус аз номи Ҳукумати мамлакат, мақомоти иҷроияи ҳокимияти давлатии вилоят ва ноҳия изҳори сипос намуд.
Таъкид шуд, ки хизматчиёни ҳарбӣ баҳри ҳифзи марзу буми ҷумҳурӣ, истиқлоли давлатӣ ва сулҳу оромии мардум бошарафона хизмат карда, ба савганди худ ҳамеша содиқ монда ва оинномаи ҳарбиро сарбаландона иҷро менамоянд.
Бо маросими нонгазон ва барномаи рангини фарҳангӣ ҷавонписарон ба хизмати ҳарбӣ гусел карда шуданд.
АКС: Мақомоти иҷроияи ҳокимияти давлатии ноҳияи Ҷаббор Расулов
Котиби Шурои амният Юсуф Раҳмон бо Вазири давлатии Вазорати мудофиаи Подшоҳии Муттаҳидаи Британияи Кабир ва Ирландияи Шимолӣ Вернон Коаке мулоқот намуд
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
