«РАВАНДИ ДУШАНБЕ». Брифинги муштарак оид ба Конфронси байналмилалии сатҳи баланд баргузор гардид
ДУШАНБЕ, 11.10.2024 /АМИТ «Ховар»/. 10 октябр брифинги маҷозии намояндагиҳои доимии Тоҷикистон ва Кувайт дар Созмони Милали Муттаҳид ва Дафтари зиддитеррористии Созмони Милали Муттаҳид (UNOCT) оид ба Конфронси байналмилалии «Тақвияти ҳамкории байналмилалӣ дар самти мубориза бо терроризм ва эҷоди механизмҳои амнияти сарҳадӣ – марҳилаи Кувайтии Раванди Душанбе» (ш. Ал-Кувайт, 4-5 ноябри 2024) баргузор гардид. Дар ин хусус АМИТ «Ховар» бо истинод ба Намояндагии Тоҷикистон дар Созмони Милали Муттаҳид хабар медиҳад.
Конфронс аз ҷониби Ҷумҳурии Тоҷикистон ва Давлати Кувайт дар ҳамкорӣ бо Дафтари зидитеррористии Созмони Милали Муттаҳид дар доираи «Раванди Душанбе оид ба мубориза бо терроризм ва маблағгузории он» ташкил мешавад.
Намояндаи доимии Ҷумҳурии Тоҷикистон дар Созмони Милали Муттаҳид Ҷонибек Ҳикмат, Намояндаи доимии Давлати Кувайт дар Созмони Милали Муттаҳид Тариқ Ал Банай ва муовини Дабири кулли Созмони Милали Муттаҳид, роҳбари Дафтари зиддитеррористии Созмони Милали Муттаҳид Владимир Воронков ба иштироккунандагон дар бораи барнома ва чорабиниҳои тадорукотию ташрифотии ин конфронси байналмилалӣ ва инчунин “Раванди Душанбе оид ба мубориза бо терроризм ва маблағгузории он” маълумоти муфассал пешниҳод намуданд.
Намояндаи доимии Тоҷикистон инчунин изҳор намуд, ки «Раванди Душанбе оид ба мубориза бо терроризм ва маблағгузории он» ҳамчун платформаи байналмилалӣ заминаи муҳимро барои ҳамкорӣ, мусоидат ба муколамаи ҳамаҷониба ва табодули таҷрибаҳои беҳтарин байни ҳамаи ҷонибҳои манфиатдор фароҳам меорад.
Муовини Дабири кулли Созмони Милали Муттаҳид таъкид намуд, ки ҳадафи конфронс бо тавсеа ёфтани “Раванди Душанбе” ба таҳкими ҳамкории зиддитеррористӣ дар минтақаҳои Африқо, Ховари Миёна ва Осиёи Ҷанубу Шарқӣ равона гардидааст. Ӯ итминон дод, ки марҳилаи Кувайтии Раванди Душанбе талошҳои минтақавӣ ва байналмиллалии мубориза бо терроризмро тақвият бахшида, барои расидан ба ин ҳадаф мусоидат менамояд.
Дар фарҷоми брифинг аз кишварҳои аъзо даъват карда шуд, ки иштироки ҳайатҳояшонро дар конфронс дар сатҳи баланд таъмин намоянд.
АКС: Намояндагии доимии Ҷумҳурии Тоҷикистон дар Созмони Милали Муттаҳид
Намояндаи Тоҷикистон бо Мудири кулли Шуъбаи Созмони Милали Муттаҳид дар Женева мулоқот намуд
Дар Женева афзалият дар самти рушди устувори шаҳрҳо дар Тоҷикистон муаррифӣ гардид
Вазирони корҳои хориҷии Тоҷикистон ва Шри-Ланка мулоқот намуданд
Сафири Тоҷикистон бо Вазири барқ, об ва энергияи таҷдидпазири Кувайт мулоқот кард
Форуми байналмилалии «Сайёҳии устувор ва мероси фарҳангӣ» дар Тоҷикистон дар расонаҳои иттилотии Аморот инъикос ёфт
Моҳи майи соли 2027 дар Душанбе Конфронси байналмилалии сатҳи баланд роҷеъ ба оғози Даҳсолаи таҳкими сулҳ баргузор мешавад
Сафири Тоҷикистон бо Вазири федералии энергетикаи Покистон мулоқот намуд
Рушди муносибатҳои дуҷонибаи Тоҷикистону Умон баррасӣ гардид
Дурнамои ҳамкории Тоҷикистон ва Кувайт дар соҳаи маориф баррасӣ шуд
Шараф Шерализода бо ҳамраисони иҷроия ва аъзои Шурои директорони Палатаи муштараки савдои Швейтсария мулоқот намуд
Сафири Тоҷикистон дар Амороти Муттаҳидаи Араб дар ҷаласаи 32-юми Шурои IRENA иштирок намуд
Дар Женева чорабинии сатҳи баланд дар мавзуи «Сулҳи устувор дар Осиёи Марказӣ: сабақҳо аз Эъломияи дӯстии абадии Хуҷанд» доир шуд
