Ҳайати Тоҷикистон бо раванди навсозии хизматрасонии давлатии Молдова шинос гардид
ДУШАНБЕ, 25.11.2024. /АМИТ «Ховар»/. Ҳайати Ҷумҳурии Тоҷикистон аз 16 то 23 ноябр дар доираи лоиҳаи «Беҳтар намудани дастрасӣ ба хизматрасонии давлатӣ тавассути гузаронидани ислоҳот дар низоми сабти асноди ҳолати шаҳрвандӣ» ба Ҷумҳурии Молдова сафари омӯзишӣ анҷом дод. Дар ин хусус ба АМИТ «Ховар» дар Вазорати адлияи ҷумҳурӣ хабар доданд.
Зимни сафари омӯзишӣ вохӯрии роҳбари ҳайати гурӯҳи корӣ- муовини якуми Вазири адлияи Ҷумҳурии Тоҷикистон Нигина Ализода бо Директори Агентии хадамоти давлатии Молдова ва Департаменти сабти асноди шаҳрвандӣ, Котиби давлатии Вазорати рушди иқтисод ва рақамисозии Ҷумҳурии Молдова, Директори Агентии идоракунии электронии Молдова ва муовини якуми вазири адлияи ин далвват доир шуд.
Зимни мулоқот ҷонибҳо оид ба нақш ва ваколатҳои ниҳодҳои дахлдор ва экосистемаи мавҷудаи ҳукумати рақамӣ барои системаи муосири расонидани хизматрасонии давлатӣ табодули андеша намуда, масъалаҳои раванди навсозии хизматрасонии давлатӣ, механизми ҳамоҳангсозии байниидоравӣ ва раванди рақамикунонии сабтҳои таърихии санадҳои сабти асноди ҳолати шаҳрвандиро мавриди баррасӣ қарор доданд.
Дар ҷараёни сафар иштирокчиён ба Маркази «Равзанаи ягона» ва Маркази ягонаи хизматрасонии давлатии Ҷумҳурии Молдова рафта, бо таҷрибаи ин кишвар дар самти амалӣ намудани хизматрасонии рақамӣ шинос шуданд.
Дар доираи сафари омӯзишӣ муовини якуми Вазири адлияи Ҷумҳурии Тоҷикистон Нигина Ализода инчунин бо намояндаи Барномаи Рушди Созмони Милали Муттаҳид (UNDP) дар Ҷумҳурии Молдова вохӯрӣ анҷом дод. Зимни вохӯрӣ ҷонибҳо масъалаи рушди ҳамкорӣ ва беҳтар намудани дастрасӣ ба хизматрасонии давлатиро муҳокима намуданд.
АКС: Вазорати адлияи Ҷумҳурии Тоҷикистон
Ваколатдор оид ба ҳуқуқи инсон дар вохӯрии машваратии ниҳодҳои миллии ҳуқуқи инсони давлатҳои аъзои СҲШ иштирок намуд
Дар Душанбе даври сеюми Форуми марказҳои таҳлилии «Осиёи Марказӣ ва Ҷумҳурии Корея» баргузор гардид
Дар соҳили Сирдарёи шаҳри Хуҷанд шиногоҳи нав ба истифода дода шуд
«ВАҲДАТИ МИЛЛӢ — АСОСИ ШУКУФОИИ ВАТАН». Таҳти ин унвон конференсияи ҷумҳуриявӣ баргузор шуд
Ҷавонони Тоҷикистон дар Форуми 6-уми «Сарварони ҷавони эҷодкори Осиёи Марказӣ ва Русия» иштирок менамоянд
РӮЗИ ХИЗМАТЧИИ ДАВЛАТӢ. Дар Тоҷикистон ташкили ин ниҳод яке аз дастовардҳои давраи соҳибистиқлолӣ мебошад
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи ҳуқуқи инсон ба имзо расид
Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мегардад
Душанбе мизбони Форуми марказҳои таҳлилии «Осиёи Марказӣ ва Ҷумҳурии Корея» мегардад
Дар Тоҷикистон дар даҳ сол як маротиба барӯйхатгирии аҳолӣ ва фонди манзил гузаронида мешавад
Дар Ховалинг соҳибкорон аз хонаводаҳои Каримовҳо ва Одинаевҳо барои ятимону маъюбон осоишгоҳ сохтанд
Барои гирифтор нашудани кӯдакон ба бемории дарунравӣ чӣ бояд кард?
