Ҳайати Тоҷикистон дар Конфронси шарҳи Конвенсияи СММ дар Камбоҷа иштирок дорад
ДУШАНБЕ, 25.11.2024. /АМИТ «Ховар»/. Ҳайати Ҷумҳурии Тоҷикистон таҳти роҳбарии Вазири адлияи Тоҷикистон Музаффар Ашуриён дар кори Конфронси 5-уми шарҳи Конвенсияи Созмони Милали Муттаҳид оид ба манъи истифода, захирасозӣ, истеҳсол ва таҳвили минаҳо бар зидди пиёдагардон ва нобудсозии онҳо дар шаҳри Сием-Реапи Шоҳигарии Камбоҷа, ки имрӯз оғоз шуд, иштирок дорад. Дар ин хусус ба АМИТ «Ховар» дар Вазорати адлияи Ҷумҳурии Тоҷикистон хабар доданд.
Вазири адлия дар бахши ифтитоҳии конфронс изҳор дошт, ки Ҷумҳурии Тоҷикистон иштирокдори санадҳои ҳуқуқии асосии байналмилалӣ оид ба манъи минаҳо бар зидди пиёдагардон буда, бо саъйу талошҳо ва нақши ҷомеаи ҷаҳонӣ ба масъалаҳои марбут ба манъи минаҳо бар зидди пиёдагардон ва маҷмуи мушкилиҳои вобаста ба онҳо аҳамияти муҳим медиҳад.
«Ҳукумати ҷумҳурӣ барои манъ ва истифодаи минаҳо бар зидди пиёдагардон, иҷрои уҳдадориҳои байналмилалӣ оид ба ҳуқуқи инсон ва рушду таҳкими ҳамкории байналмилалӣ дар ин самт мунтазам тадбирҳои муассир меандешад», — афзуд Музаффар Ашуриён.
Ҳамзамон дар ҳошияи конфронси мазкур Вазири адлияи Тоҷикистон бо Сарвазири Шоҳигарии Камбоҷа Самдеҷ Моҳа Борвор Типадеи Ҳан Манет ва муовини Котиби генералии Созмони Милали Муттаҳид оид ба масъалаҳои иҷтимоию иқтисодӣ барои давлатҳои Осиё ва Уқёнуси Ором хонум Армида Салсия Алисдаҳбана мулоқот анҷом дод.
Конфронси шарҳи Конвенсияи Созмони Милали Муттаҳид оид ба манъи истифода, захирасозӣ, истеҳсол ва таҳвили минаҳо бар зидди пиёдагардон ва нобудсозии онҳо аз 25 то 29 ноябр идома меёбад.
АКС: Вазорати адлияи Ҷумҳурии Тоҷикистон
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
