Дар бозии дастаҳои футболи «Истиқлол» ва «Регар-ТадАЗ» ғолиб муайян нашуд
ДУШАНБЕ, 21.11.2024 /АМИТ «Ховар»/. Дастаҳои футболи «Истиқлол»-и шаҳри Душанбе ва «Регар-ТадАЗ»-и шаҳри Турсунзода дар бозии мавқуфмондаи даври 17-уми Лигаи олии Тоҷикистон байни ҳам рақобат карданд. Вохӯрии ин дастаҳо дар Варзишгоҳи марказии шаҳри Душанбе баргузор гардида, бо натиҷаи мусовии 0 бар 0 ба поён расид. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Дар ҷараёни вохӯрӣ футболбозони ҳарду даста фурсатҳои зиёди голзанӣ доштанд, вале онҳоро самаранок истифода бурда натавонистанд. Бояд гуфт, ки ин мусовии 10-уми дастаҳои футболи «Истиқлол»-и шаҳри Душанбе ва «Регар-ТадАЗ»-и шаҳри Турсунзода дар бозиҳои байнихудӣ дар Лигаи олӣ буд. Ҳамчунин дар 37 бозие, ки дастаҳо дар Лигаи олӣ доштанд, 23 ғалаба ба фоидаи дастаи футболи «Истиқлол»-и шаҳри Душанбе ва 4 ғалаба ба фоидаи дастаи футболи «Регар-ТадАЗ»-и шаҳри Турсунзода аст.
Дастаи футболи «Регар-ТадАЗ»-и шаҳри Турсунзода дар даври нимниҳоии Ҷоми Тоҷикистон бар дастаи «Истиқлол»-и шаҳри Душанбе зафар ёфта, дар финал дастаи «Хуҷанд»-и шаҳри Хуҷандро мағлуб кард ва барандаи ҷоми ин мусобиқа дар соли 2024 гардид. Ҳоло пас аз мусовӣ дастаи футболи «Истиқлол»-и шаҳри Душанбе бо 50 имтиёз пешгоми ҷадвали мусобиқа буда, пеш аз муҳлат аллакай унвони чемпиониро соҳиб шуд. Барои дастаи «Истиқлол»-и шаҳри Душанбе ин сенздаҳумин медали тилло дар таърихи бошгоҳ аст. Дастаи футболи «Регар-ТадАЗ»-и шаҳри Турсунзода бо 31 имтиёз дар зинаи 7-ум аст.
АКС: Федератсияи футболи Тоҷикистон
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
