Дар Хуҷанд вобаста ба масъалаҳои мубрами маърифати ҳуқуқӣ дар шароити муосир конференсия баргузор гардид
ДУШАНБЕ, 26.11.2024 /АМИТ «Ховар»/. Дар Донишгоҳи давлатии Хуҷанд ба номи академик Бобоҷон Ғафуров бахшида ба Соли маърифати ҳуқуқӣ таҳти унвони «Масъалаҳои мубрами маърифати ҳуқуқӣ дар шароити муосир» конференсияи илмӣ-амалӣ баргузор гардид, хабар медиҳад АМИТ «Ховар» бо истинод ба ин донишгоҳ.
Ректори донишгоҳ Аюб Усмонзода таъкид намуд, ки «Паёми навбатии Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ ҳамчун дастури созанда барномаву ҳадаф ва самтҳои асосиву меҳварии фаъолияти Тоҷикистони соҳибистиқлолро муайян намуд. Зимни пешниҳоди он муҳтарам Эмомалӣ Раҳмон ба масъалаи маърифати ҳуқуқӣ таваҷҷуҳи хос зоҳир намуданд ва таъкид доштанд, ки дар раванди бунёди ҷомеаи пешрафта ва адолатпарвар масъалаи ташаккули маърифати ҳуқуқии шаҳрвандон нақши калидӣ дорад.
Аз тарафи Президенти мамлакат пешниҳод шуд, ки соли 2024 Соли маърифати ҳуқуқӣ эълон гардад ва дар ин хусус 30 декабр Фармони Президенти Ҷумҳурии Тоҷикистон ба тавсиб расид.
Фароҳамсозии муҳиту фазои ором ва осоиштаи ҳаёти ҷомеа, қабл аз ҳама, эҳтироми қонун, баланд бардоштани маърифати ҳуқуқӣ ва умуман таъмини волоияти қонунро тақозо мекунад. Аз ин рӯ, мо бояд эҳтиром нисбат ба қонунро омӯзем ва аз чаҳорчӯбаи Конститутсия берун набароем».
Дар конференсия директори Маркази миллии қонунгузории назди Президенти Ҷумҳурии Тоҷикистон ва муовини якуми директори ин марказ дар мавзуъҳои «Эълон гардидани соли 2024 — Соли маърифати ҳуқуқӣ: мафҳум, мақсад ва заминаҳои конститутсионӣ — ҳуқуқии он» ва «Рушди низоми қонунгузорӣ дар масири 30 соли қабули Конститутсияи Ҷумҳурии Тоҷикистон» маъруза намуданд.
Таъкид шуд, ки фаъолият дар соҳаи муқовимат бар зидди ҷинояткорӣ ба мусоидат ва ҳамкории тамоми табақаҳои ҷомеа ниёз дорад, зеро ҷиноят ба муҳити маънавии ҷомеа зарба зада, ахлоқи ҷомеа, махсусан ҷавононро коҳиш медиҳад. Президенти ҷумҳурӣ муҳтарам Эмомалӣ Раҳмон борҳо таъкид мекунанд, ки афзоиши ҷиноятҳои дорои хусусияти экстремистӣ ва террористӣ ба вусъат ёфтани терроризми байналмилалӣ, фаъолшавии унсурҳои тундраву ифротгаро, ҷалби ҷавонон ба сафи созмонҳои экстремистиву террористӣ ва иштироки онҳо дар низоъҳои мусаллаҳонаи давлатҳои хориҷӣ мусоидат менамояд. Дар ин ҷода ҳамкории мақомоти давлатӣ бо аҳли ҷомеа ба баланд бардоштани сатҳи маърифати ҳуқуқӣ, масъулиятшиносӣ ва таҳкими қонуният ва тартиботи ҳуқуқӣ мусоидат менамояд.
АКС: Донишгоҳи давлатии Хуҷанд ба номи академик Бобоҷон Ғафуров
Дар шаҳри Бӯстон ҷаласаи гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
