Дар шаҳру ноҳияҳои вилояти Суғд иншооти варзишӣ ба истифода дода шуданд
ДУШАНБЕ, 18.11.2024 /АМИТ «Ховар»/. Имрӯз дар доираи сафари кории Президенти Ҷумҳурии Тоҷикистон муҳтарам Эмомалӣ Раҳмон ба шаҳру ноҳияҳои вилояти Суғд дар деҳоти Саразм ва Моғиёни шаҳри Панҷакент майдончаи варзишӣ ва гармхонаи замонавӣ ба истифода дода шуд. Дар ин хусус АМИТ «Ховар» бо истинод ба сомонаи хадамоти матбуоти Раиси вилояти Суғд иттилоъ медиҳад.
Майдончаи варзишӣ дар назди бинои Муассисаи таҳсилоти миёнаи умумии №24 деҳаи Кӯҳдомани деҳоти Саразм бунёд гардидааст.
Иттилоъ дода шуд, ки дар шаҳри Панҷакент 70 майдончаи варзишӣ фаъолият мекунад. Инчунин сохтмони 8 майдончаи варзишии дигар идома дорад.
Ҳамзамон дар шаҳр гармхонаи замонавӣ ба истифода дода шуд, ки кишоварзон дар он бодиринг, помидор ва қаланфури булғорӣ кишт намудаанд. Гармхона бо навтарин технологияи пешрафтаи ҷаҳонӣ таъмин мебошад.
Ҳамчунин дар доираи сафари кории Сарвари давлат ба шаҳри Истаравшан дар маркази шаҳр Боғи фарҳангии «Ҷавонон» ва дар назди муассисаҳои таҳсилоти миёнаи умумии ракамҳои 2 ва 27 майдончаҳои варзишӣ ба истифода дода шуданд.
Иттилоъ дода шуд, ки дар маҳаллаи Зафари шаҳри Истаравшан бинои навбунёди баландошёнаи истиқоматӣ бо Маркази савдо ва хизматрасонии «Истиқлол» ифтитоҳ гардид.
Иншооти навбунёд дар маркази шаҳри Истаравшан қарор дорад. Бинои баландошёна аз 56 хона иборат аст. Дар ошёнаи якуми бинои истиқоматӣ Маркази савдо ва хизматрасонии «Истиқлол» ба истифода дода шудааст. Дар маркази савдо 25 сокини маҳаллӣ бо ҷойи кор таъмин гардиданд.
АКС: Хадамоти матбуоти Раиси вилояти Суғд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
