Дар Тоҷикистон ҷаласаи Шурои байнидавлатии ҳамкорӣ дар соҳаи матбуоти даврӣ баргузор шуд
ДУШАНБЕ, 15.11.2024. /АМИТ «Ховар»/. 14 ноябр дар шаҳри Душанбе ҷаласаи XXIX Шурои байнидавлатии ҳамкорӣ дар соҳаи матбуоти даврӣ, нашру тавзеҳи китоб ва полиграфии кишварҳои аъзои Иттиҳоди Давлатҳои Мустақил баргузор гардид. Дар ин хусус ба АМИТ «Ховар» дар Вазорати фарҳанги Ҷумҳурии Тоҷикистон иттилоъ доданд.
Имсол дар кори ҷаласа намояндагони ҷумҳуриҳои Арманистон, Тоҷикистон, Озарбойҷон, Беларус, Қазоқистон, Қирғизистон ва Федератсияи Русия масъалаҳои ҳалталаби соҳаи табъу нашри Иттиҳоди Давлатҳои Мустақилро мавриди баррасӣ қарор доданд.
Иштирокчиёни ҷаласа оид ба сиёсати давлатӣ дар соҳаи нашри китоб, паҳнкунии китоб ва полиграфия дар Ҷумҳурии Тоҷикистон, инчунин масъалаҳои ташкили Озмуни байналмилалии «Санъати китоб» мубодилаи афкор намуданд.
Аъзои Шуро ҳамчунин масъалаҳои баргузории озмуни корхонаҳои китобфурӯшӣ, натиҷаҳои Анҷумани зиёиёни эҷодкор ва илмии Иттиҳоди Давлатҳои Мустақил, иҷрои пешниҳодҳои Ҷумҳурии Қирғизистон ва Федератсияи Русияро оид ба нашри нашрияҳои силсилавӣ, маҷмуаҳо дар бораи шахсиятҳои бузурги мардумони давлатҳои ин иттиҳод ва дигар масъалаҳоро баррасӣ намуданд.
Раёсати Шурои байнидавлатии ҳамкорӣ дар соҳаи матбуоти даврӣ, нашру тавзеҳи китоб ва полиграфии давлатҳои аъзои Иттиҳоди Давлатҳои Мустақил соли 2025 ба Ҷумҳурии Озарбойҷон вогузор мешавад. Ҳамраисии Шуроро намояндагони соҳавии вазоратҳои фарҳанги ҷумҳуриҳои Тоҷикистон ва Арманистон ба уҳда мегиранд.
АКС: Вазорати фарҳанги Ҷумҳурии Тоҷикистон
Бахшида ба Рӯзи Президент дар мақомоти Ваколатдор оид ба ҳуқуқи инсон ҳамоиш доир шуд
Дар Душанбе Ҳафтаи таҳсилоти байналмилалӣ баргузор мегардад
Дар Кумитаи ҳифзи муҳити зист бахшида ба Рӯзи Президенти Тоҷикистон ва Иҷлосияи таърихии XVI Шурои Олӣ ҳамоиш доир шуд
Ситораҳои футбол бо мухлисони худ дар толорҳои алоқа вохӯрданд
Дар ноҳияи Шоҳмансур бахшида ба Рӯзи Президент ҳамоиши илмӣ-фарҳангӣ доир шуд
«ПРЕЗИДЕНТИ МО — ҒАМХОРИ МО». Бори аввал байни кӯдакони имконияташон маҳдуди шаҳри Душанбе озмун доир шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Варзишгарони тоҷик аз чемпионати Осиёи Марказӣ бо медалҳои тилло ва нуқра ба Ватан бармегарданд
«САҲМИ ПЕШВОИ МИЛЛАТ ДАР БАЛАНД БАРДОШТАНИ МАҚОМИ ЗАН ДАР ҶОМЕА». Таҳти ин унвон конференсияи илмӣ-фарҳангӣ доир шуд
Ҳамкории мақомоти давлатӣ ва ҷомеаи шаҳрвандӣ дар мониторинги иҷрои Стратегияи миллии рушди Тоҷикистон баррасӣ шуд
Дар шаҳри Ҳисор аз поруи чорво гази табиӣ истеҳсол намуданд
Антониу Гутерриш изҳор дошт, ки соли 2025 метавонад гармтарин сол дар таърихи инсоният гардад
