Дастаи «Истиқлол»-и шаҳри Душанбе маротибаи 13-ум ғолиби Лигаи олии Тоҷикистон гардид
ДУШАНБЕ, 23.11.2024 /АМИТ «Ховар»/. Бозии мавқуфмондаи даври 18-уми Лигаи олии Тоҷикистон байни дастаҳои футболи «Эсхата»-и шаҳри Хуҷанд ва «Истиқлол»-и шаҳри Душанбе анҷом ёфт. Вохӯрии дастаҳо дар Варзишгоҳи марказии шаҳри Душанбе доир гардида, бо натиҷаи 0 бар 3 ба фоидаи дастаи футболи «Истиқлол»-и шаҳри Душанбе ба анҷом расид. Дар ин хусус шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон хабар медиҳад.
Дар ин вохӯрӣ голҳоро аз ҳайати дастаи «Истиқлол»-и шаҳри Душанбе Эҳсони Панҷшанбе дар дақиқаи 15-ум, Манучеҳр Ҷалилов дар дақиқаи 78-ум ва Рустам Соиров дар дақиқаи 86-ум ба нишон расониданд. Пас аз ин вохӯрӣ ба дастаи «Истиқлол»-и шаҳри Душанбе ҷоизаи қаҳрамонӣ дар мавсими 2024-и Лигаи олӣ Тоҷикистон супорида шуд.
Ёдовар мешавем, ки барои дастаи футболи «Истиқлол»-и шаҳри Душанбе ин сенздаҳумин нишони тилло дар таърихи бошгоҳ аст. Қаблан дастаи «Истиқлол»-и шаҳри Душанбе дар солҳои 2010, 2011, 2014, 2015, 2016, 2017, 2018, 2019, 2020, 2021, 2022 ва 2023 қаҳрамони Тоҷикистон шуда буд.
Ба ҳайати дастаи ҷавонони «Истиқлол»-и шаҳри Душанбе низ ҷоизаи қаҳрамонии мусобиқаи ҳайатҳои ҷавонони дастаҳои Лигаи олӣ супорида шуд. Ин дуюмин ҷоизаи ҷавонони «Истиқлол»-и шаҳри Душанбе дар мавсим аст. Қаблан онҳо дар мусобиқаи «Ҷоми ҷавонӣ» ғолиб омада буданд.
АКС: Федератсияи футболи Тоҷикистон
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
