Деваштич Убайдӣ дар рӯзи аввали Чемпионати ҷаҳон оид ба самбо дар Остона мақоми панҷумро соҳиб гардид

Ноябрь 9, 2024 13:40

ДУШАНБЕ, 09.11.2024 /АМИТ «Ховар»/. 8 ноябр дар шаҳри Остонаи  Ҷумҳурии Қазоқистон Чемпионати  ҷаҳон оид ба  самбо оғоз гардид. Дар ин мусобиқа аз Ҷумҳурии  Тоҷикистон  9 варзишгар иштирок доранд. Дар ин хусус шореҳи варзиши АМИТ «Ховар» хабар медиҳад.

Бояд гуфт, ки  паҳлавони шинохтаи тоҷик  Деваштич Убайдӣ дар вазни 79 кг дар рӯзи якуми мусобиқа дар даври аввал Аҳмади Абдулбосит аз Афғонистонро бо ҳисоби калони  10 бар 1 мағлуб карда, дар даври дуюм Борис Шатверяни арманиро бо ҳисоби калони  10 бар 0 бе мушкилӣ шикаст дод. Дар марҳилаи чаҳорякниҳоӣ паҳлавони мо   бо маҳорати воло пеш аз муҳлат Леонел Мбалла аз Камерунро мағлуб карда, ба даври нимниҳоии  чемпионати  ҷаҳонии самбо роҳ ёфт. Дар даври нимниҳоӣ паҳлавони мо Деваштич Убайдӣ аз намояндаи бетараф Денис Калинин бо ҳисоби 1 бар 2 мағлуб шуда, барои нишони биринҷӣ  бо  Иван Харкови булғорӣ рақобат намуд, ки дар натиҷа мағлуб шуда,  мақоми панҷумро соҳиб гардид.

Варзишгари тоҷик Акмалиддин Каримов  дар вазни 58 кг  дар даври аввал озод буда, дар даври дуюм аз  Карен Саргсяни арманӣ  мағлуб шуда, мусобиқаро тарк кард. Рақобати  ин ду паҳлавон тезутунд гузашта, бо ҳисоби 6 бар 5 ба фоидаи Карен Саргсяни  23- сола анҷом ёфт.

Паҳлавони дигари мо Халид Толибзода  дар вазни 88 кг  оид ба самбои размӣ дар даври аввал озод буда, дар даври дуюм аз намояндаи бетараф Абусупиён Алихонов бо ҳисоби 3 бар 0  мағлуб гардид.

Ёдовар мешавем, ки моҳи ноябри соли 2023 Акмалиддин Каримов дар Чемпионати ҷаҳонии самбо дар шаҳри Еревани Арманистон соҳиби медали биринҷӣ гардида буд.

Дар солҳои соҳибистиқлолӣ аз Тоҷикистон се нафар чемпиони ҷаҳон аз намуди самбо гардиданд:  Беҳрӯз Хоҷазода (соли  2017 дар   шаҳри Сочии Федератсияи  Русия), Хушқадам Хусравов (соли 2018 дар шаҳри Бухарести  Руминия) ва  Акмалиддин Каримов  (соли  2021 дар шаҳри Тошканди Узбекистон).

            АКС аз манбаъҳои боз

Ноябрь 9, 2024 13:40

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад