ФУТБОЛ. Ҳайати дастаи мунтахаби Тоҷикистон барои бозиҳои дӯстона муайян гардид

ДУШАНБЕ, 08.11.2024 /АМИТ «Ховар»/. Ситоди мураббиёни дастаи  мунтахаби Тоҷикистон ҳайати  футболбозони  тоҷикро  барои бозиҳои дӯстона ба муқобили  дастаҳои мунтахаби Непал ва Афғонистон, ки дар шаҳри  Душанбе баргузор мешаванд, эълон кард. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.

Ба ҳайати  дастаи  мунтахаби Тоҷикистон  24 бозигар – 4 дарвозабон, 6 ҳимоятгар, 9 нимҳимоятгар ва 5 ҳамлагар дохил аст. Дастаи мунтахаби Тоҷикистон 9 ноябр омодагиро ба бозиҳои дарпешистода оғоз мекунад.

Дастаи  мунтахаби Тоҷикистон 13 ноябр бо дастаи мунтахаби   Непал ва 16 ноябр бо   дастаи мунтахаби  Афғонистон бозӣ мекунад. Ҳарду вохӯриҳо дар Варзишгоҳи марказии шаҳри  Душанбе баргузор шуда, соати 18:00 оғоз мешаванд.

Ҳайати пурраи  дастаи мунтахаби Тоҷикистон дар бозиҳои дӯстона ба муқобили  дастаҳои мунтахаби  Непал (13 ноябр) ва Афғонистон (19 ноябр) чунин аст:

Дарвозабон: Рустам Ятимов («Ростов», Русия), Олег Баклов («Уфа», Русия), Муҳриддин Ҳасанов («Истиқлол»), Далерҷон Баротов («Истаравшан»);

Ҳимоягарон: Ваҳдат Ҳанонов («Сипоҳон», Эрон), Зоир Ҷӯрабоев, Манучеҳр Сафаров (ҳарду – «Нефтчӣ», Узбекистон), Аҳтам Назаров, Табрез Исломов, Содиқҷон Қурбонов (ҳама – «Истиқлол»);

Ниммуҳофизатгарон: Парвизҷон Умарбоев (ССКА-1948, Булғористон), Алишер Ҷалилов, Амирбек Ҷӯрабоев, Эҳсони Панҷшанбе, Шервонӣ Мабатшоев, Амадонӣ Камолов (ҳама – «Истиқлол»), Алишер Шукуров («Вахш»), Азизбек Ҳаитов («Равшан»), Шуҳрат Элмуродов («Регар-ТадАЗ»);

Ҳамлагарон: Шаҳром Самиев («Андиҷон», Узбекистон), Далер Шарипов («Металлург», Узбекистон), Манучеҳр Ҷалилов, Рустам Соиров (ҳарду – «Истиқлол»), Нуриддин Ҳамрокулов («Вахш»).

Сармураббӣ – Гела Шекиладзе (Гурҷистон/Белгия).      

АКС: Федератсияи футболи Тоҷикистон