Ҳайати Тоҷикистон дар конфронси якуми солонаи аъзои Платформаи минтақавӣ дар Остона иштирок намуд
ДУШАНБЕ, 01.11.2024 /АМИТ «Ховар»/. 30 — 31 октябри соли 2024 дар шаҳри Остонаи Ҷумҳурии Қазоқистон конфронси якуми солонаи аъзои Платформаи минтақавӣ оид ба татбиқи босуръати Конвенсияи Созмони Милали Муттаҳид бар зидди коррупсия дар Осиёи Марказӣ баргузор гардид, ки дар кори он ҳайати расмии Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо роҳбарии директори ин мақомот иштирок намуд. Дар ин хусус ба АМИТ «Ховар» дар маркази матбуоти ин агентӣ хабар доданд.
Дар конфронс роҳбарон ва масъулони сохторҳои ҳифзи ҳуқуқи Қазоқистон, Қирғизистон, Тоҷикистон, Туркманистон, Узбекистон ва Ҷумҳурии Мардумии Чин иштрок намуда, дар бораи таҷрибаи кишварҳояшон дар муқовимат ба коррупсия ва тадбирҳои андешида дар ин самт ибрози андеша намуданд.
Инчунин дар ҷараёни конфронс масъалаҳои фаъолияти Платформа дар соли 2024 ва чораҳои барои соли 2025 банақшагирифта, инчунин густариши фаъолият ва самтҳои он барои солҳои оянда мавриди муҳокима қарор гирифтанд.
Ҳадафи ташкили конфронс аз афзоиши тадбирҳо, табодули таҷрибаи пешқадам дар самти мубориза бо коррупсия ва андешидани тадбирҳои амалии зарурӣ барои татбиқи босуръати Конвенсияи Созмони Милали Муттаҳид бар зидди коррупсия иборат мебошад.
Конфронс дар сатҳи баланди байналмилалӣ доир гардид. Дар анҷом изҳори умедворӣ карда шуд, ки натиҷаҳои он ба таҳкими тадбирҳои муштараки мубориза бо коррупсия дар сатҳи минтақавӣ ва мустаҳкам кардани ҳамкорӣ дар ин самт таъсири мусбат мерасонанд.
АКС: Агентии назорати давлатии молиявӣ ва мубориза бо коррупсияи Ҷумҳурии Тоҷикистон
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
Нақшаи даъвати ҳарбӣ дар Тоҷикистон 98 фоиз иҷро гардид
Милитсияи пойтахт дар муассисаҳои таълимӣ 115 ҳолати истеъмоли чилим ва сигорҳои электрониро ошкор намуд
Нисбат ба беш аз 1300 волидайн барои бемасъулиятӣ дар тарбияи фарзанд санади маъмурӣ тартиб дода шуд
Ба ноҳияи Лахш як экскаватор ва як мошини пуриқтидори сӯхторхомӯшкунӣ ворид карда шуд
Мулоқоти Президенти Покистон Осиф Алӣ Зардорӣ бо Вазири мудофиаи Тоҷикистон Эмомалӣ Собирзода дар Исломобод
Дар Остона Ҷаласаи XXIII Комиссияи байнидавлатии ҳамкории ҳарбӣ-иқтисодии СААД баргузор гардид
Дар Исломобод мулоқоти Вазири мудофиаи Тоҷикистон бо раиси Кумитаи муштараки сардорони ситодҳои Қувваҳои Мусаллаҳи Покистон баргузор гардид
Нақшаи даъвати ҳарбӣ дар Тоҷикистон қариб 96 фоиз иҷро гардид
