Рустам Ятимов дар бозиҳои охирини дастаи футболи «Ростов»-и Русия соҳиби ду ҷоиза гардид
ДУШАНБЕ, 09.11.2024 /АМИТ «Ховар»/. Рустам Ятимов дар бозии даври 14-уми Премйер-Лигаи Русия ба муқобили дастаи футболи «Динамо»-и Москва беҳтарин бозигар дониста шуд. Ин вохӯрӣ чанд рӯз пеш дар варзишгоҳи «ВТБ-Арена»-и шаҳри Москва баргузор шуда, бо ҳисоби мусовӣ- 1:1 анҷом ёфт. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Дарвозабони шинохтаи дастаи мунтахаби Тоҷикистон Рустам Ятимов дар 2 бозии охир дар ҳайати дастаи футболи «Ростов»-и Русия маҳорати баланд нишон дод.
Бояд гуфт, ки ғолиби ҷоизаи «Беҳтарин бозингари дидор» пас аз ҳар бозии Премйер-Лигаи Русия аз ҷониби лига ва шабакаи телевизионии «Матч Премйер» якҷоя интихоб карда мешавад.
Ҳамчунин Рустам Ятимов беҳтарин бозингари вохӯрӣ аз ҳайати дастаи футболи «Ростов» ба муқобили дастаи «Спартак» дар бозии аввали даври чаҳорякниҳоии Ҷоми Русия эътироф гардид.
Дар ин бозӣ Рустам Ятимов зарбаи пеналтиро баргардонид ва Муҳаммад Муҳибӣ голи ғалабаоварро барои дастаи футболи «Ростов» ба нишон расонид. Бозии ҷавобӣ байни ин дастаҳо 27 ноябр доир мегардад.
Ёдовар мешавем, ки моҳи сентябр Рустам Ятимов аз дастаи футболи «Истиқлол»-и шаҳри Душанбе ба дастаи «Ростов» гузашт.
Рустам Ятимов аз тобистони соли 2018 дар ҳайати дастаи футболи «Истиқлол»-и шаҳри Душанбе ҳунарнамоӣ менамуд ва дар ин муддат бо ин даста чемпиони бисёркаратаи мамлакат, соҳиби Ҷоми Тоҷикистон ва Суперҷоми Тоҷикистон шуд.
Рустам Ятимов дар якҷоягӣ бо даста ба марҳилаи 1/8-финали Лигаи чемпионҳои КФО-2021 роҳхат гирифт. Ҳамчунин ӯ дарвозабони асосии дастаи мунтахаби миллии Тоҷикистон мебошад.
Ёдовар мешавем, ки Рустам Ятимов беҳтарин дарвозабон ва беҳтарин футболбози Тоҷикистон дар соли 2023 дониста шудааст.
АКС аз манбаъҳои боз
Имрӯз дастаи мунтахаби Тоҷикистон оид ба футбол бо дастаи мунтахаби Чин бозии дӯстона анҷом медиҳад
ҶОМИ ОСИЁ-2027. Дастаи мунтахаби духтаронаи Тоҷикистон (U-17) бо тими Урдун мусовӣ бозӣ кард
Дар Сафорати Тоҷикистон дар Салтанати Умон бо дастаи мунтахаби олимпии футболи Тоҷикистон вохӯрӣ доир шуд
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
