Вакили Маҷлиси намояндагон дар ҷаласаи комиссияи доимии экспертии Ассамблеяи байнипарламентии ИДМ иштирок намуд
ДУШАНБЕ, 02.11.2024 /АМИТ «Ховар»/. Имрӯз раиси кумитаи Маҷлиси намояндагон оид ба илм, маориф, фарҳанг ва сиёсати ҷавонон Насиба Содиқӣ дар кори ҷаласаи комиссияи экспертии доимии Ассамблеяи байнипарламентии Иттиҳоди Давлатҳои Мустақил оид ба илм ва маориф, ки дар шаҳри Санкт-Петербурги Федератсияи Русия дар реҷаи маҷозӣ (онлайн) баргузор гардид, иштирок намуд. Дар ин хусус ба АМИТ «Ховар» дар Маҷлиси намояндагон хабар доданд.
Дар рӯзномаи ҷаласа масъалаҳо «Дар бораи рӯзномаи маҷлиси Шурои экспертии илм ва маориф дар Ассамблеяи байнипарламентии давлатҳои аъзои Иттиҳоди Давлатҳои Мустақил», «Дар бораи тағйир додани ҳайати Шурои коршиносон оид ба илм ва маориф дар назди Ассамблеяи байнипарлумонии давлатҳои аъзои Иттиҳоди Давлатҳои Мустақил», «Дар бораи лоиҳаи қонуни намунавӣ «Дар бораи технологияҳои интеллектуалии сунъӣ», «Дар бораи ташаккули фарҳанги ҳуқуқии интихобкунандагони ҷавон ва ояндаи давлатҳои аъзои Иттиҳоди Давлатҳои Мустақил дар заминаи мониторинги интихобот» ва дигар мавзуъҳои мавриди назар баррасӣ гардиданд.
Аъзои комиссия ҳамчунин равишҳои пешниҳодкардаи таҳиягаронро оид ба таҳияи лоиҳаи қонуни намунавӣ «Дар бораи чораҳо оид ба ошкор ва дастгирии мунтазами кӯдакону ҷавонони лаёқатманд» ва лоиҳаи Тавсияҳо оид ба танзими меъёрии мубодилаи байналмилалии академӣ баррасӣ намуданд.
Комиссия пешниҳодро дар бораи ворид намудани таҳрири нави қонуни намунавӣ «Дар бораи асосҳои танзими интернет» мавриди истифода қарор дод.
Ба аъзои комиссия ва коршиносон оид ба масъалахои актуалии конунгузории Федератсияи Русия дар соҳаи илм ва маориф маълумот дода шуд.
Дар рӯзномаи ҷаласа ҳамчунин фаъолияти созмони бунёдии забон ва фарҳанги кишварҳои Иттиҳоди Давлатҳои Мустақил оид ба робита бо донишгоҳҳои кишварҳои ин иттиҳод ва баргузории Бозиҳои ҳабдаҳуми делфии ҷавонони кишварҳои аъзои Иттиҳоди Давлатҳои Мустақил муаррифӣ карда шуд.
Дар интиҳои ҷаласа комиссия нақшаи кор барои соли 2024 ва лоиҳаи рӯзномаи пешакии ҷаласаи навбатии иҷлосияи баҳории соли 2024-ро баррасӣ намуд.
АКС: Маҷлиси намояндагони Маҷлиси Олии Ҷумҳурии Тоҷикистон
ПАРЛАМЕНТ ВА ДИПЛОМАТИЯИ МИЛЛӢ: 35 СОЛИ ТАҶРИБАИ ДАВЛАТДОРИИ МУСТАҚИЛИ ТОҶИКИСТОН. Андешаҳои муовини Раиси Маҷлиси намояндагон Мавсума Муинӣ
Дилноза Аҳмадзода: «Истиқлолият заминаи асосии таҳкими давлатдории миллӣ ва рушди Тоҷикистон гардид»
Файзалӣ Идизода сокинони Сангворро ба гиромӣ доштани дастовардҳои Истиқлоли давлатӣ даъват намуд
35 СОЛИ СОҲИБИСТИҚЛОЛӢ. Марҳилаи пур аз рӯйдодҳои муҳим, созандагӣ ва дастовардҳои беназири Тоҷикистон
Вакилони Маҷлиси намояндагон ба фаъолони ноҳияҳои Исмоили Сомонӣ ва Шоҳмансури пойтахт моҳияти Истиқлоли давлатиро шарҳ доданд
Муовини якуми Раиси Маҷлиси намояндагон бо фаъолони шаҳри Панҷакент вохӯрӣ намуд
Файзалӣ Идизода бо аскарону афсарон ва фаъолони ноҳияи Сангвор вохӯрӣ намуд
Вохӯрии вакили Маҷлиси намояндагон бо кормандони Раёсати Вазорати корҳои дохилӣ дар шаҳри Душанбе доир шуд
Дастовардҳои соҳаи маориф дар солҳои Истиқлолияти давлатӣ дар шаҳри Ҳисор баррасӣ шуданд
Вакили Маҷлиси намояндагон бо фаъолони ноҳияи Шамсиддин Шоҳин вохӯрӣ намуд
Вакилони Маҷлиси намояндагон бо фаъолони ноҳияи Фирдавсӣ вохӯрӣ намуданд
Вакили Маҷлиси намояндагон бо кормандони соҳаи тандурустии шаҳри Ҳисор вохӯрӣ намуд
