41 комиссияи ҳавзавии якмандатии интихобот оид ба интихоботи вакилони Маҷлиси намояндагон ташкил гардид
ДУШАНБЕ, 17.12.2024 /АМИТ «Ховар»/. Имрӯз таҳти роҳбарии раиси Комиссияи марказии интихобот ва раъйпурсии Ҷумҳурии Тоҷикистон Бахтиёр Худоёрзода ҷаласаи навбатии Комиссияи марказӣ баргузор гардид, хабар медиҳад АМИТ «Ховар.
Дар ҷаласа тибқи Қонуни конститутсионии Ҷумҳурии Тоҷикистон «Дар бораи интихоботи Маҷлиси Олии Ҷумҳурии Тоҷикистон» ва Нақшаи тақвимии чорабиниҳои асосӣ 41 комиссияи ҳавзавии якмандатии интихобот оид ба интихоботи вакилони Маҷлиси намояндагон ташкил карда шуд.
Бо мақсади мусоидат ба субъектони интихобот, ошкоро ва шаффоф баргузор шудани маъракаи интихобот ва инъикоси ҳамаҷонибаи раванди ташкилу баргузории интихобот бо қарори дахлдор маркази матбуотии муваққатии Комиссияи марказии интихобот ва раъйпурсӣ таъсис дода шуд.
Ҳамчунин тартибҳои иштироки воситаҳои ахбори оммаи маҳаллӣ ва воситаҳои ахбори оммаи хориҷӣ дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон, саволу ҷавобҳо оид ба интихоботи аъзои Маҷлиси миллӣ, вакилони Маҷлиси намояндагон, вакилони маҷлисҳои маҳаллии вакилони халқ, вакилони ҷамоат, Роҳнамо оид ба омода намудани участкаи интихоботӣ ба рӯзи интихоботи вакилон ва дигар санадҳои дахлдор қабул карда шуданд.
Зимни ҷаласа вобаста ба масъалаҳои гуфташуда муҳокимаҳо доир шуда, аъзои Комиссияи марказӣ оид ба моҳият ва аҳамияти дастуру роҳнамо ва дигар қарорҳои қабулшуда мулоҳизаҳояшонро баён намуданд.
Корҳои омодагӣ барои дар сатҳи баланди ташкилию сиёсӣ баргузор намудани интихоботи даъвати нави вакилони Маҷлиси намояндагони Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ идома доранд.
АКС: АМИТ «Ховар»
Дар иҷлосияи дуюми Маҷлиси намояндагон ба якчанд қонун тағйиру илова ворид карда шуд
Ҷаласаи навбатии Шурои Маҷлиси намояндагони Маҷлиси Олӣ, даъвати ҳафтум баргузор гардид
Раиси Маҷлиси намояндагон бо Сафири Чин дар Тоҷикистон вохӯрӣ намуд
Ҷаласаи навбатии Шурои Маҷлиси намояндагони Маҷлиси Олӣ, даъвати ҳафтум баргузор гардид
Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Қирғизистон ба тасвиб расид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум доир шуд
Файзалӣ Идизода бо Раиси Маҷлиси аш — Шурои Шоҳигарии Арабистони Саудӣ вохӯрӣ намуд
Раиси Маҷлиси намояндагони Тоҷикистон бо муовини якуми Раиси Федератсияи палатаҳои тиҷоратии Шоҳигарии Арабистони Саудӣ вохӯрӣ намуд
Раиси Маҷлиси намояндагони Тоҷикистон бо Раиси Агентии рушди сармоягузории Шоҳигарии Арабистони Саудӣ вохӯрӣ намуд
Дар Донишгоҳи давлатии Хуҷанд вохӯрии вакилони Маҷлиси намояндагон бо устодону донишҷӯён доир гардид
Ба омӯзгорону донишҷӯёни Коллеҷи омӯзгории шаҳри Хуҷанд муҳтавои Паёми Президенти Тоҷикистон расонида шуд
Ба сокинони ноҳияҳои Шамсиддини Шоҳин, Муъминобод ва Ховалинг Паёми Президенти Тоҷикистон шарҳ дода шуд
