60 варзишгари беҳтарини вилояти Суғд барои дастовардҳо дар соли 2024 қадрдонӣ гардиданд
ДУШАНБЕ, 23.12.2024 /АМИТ «Ховар»/. Барои дастовардҳои варзишӣ дар соли 2024 ба 60 варзишгари вилоят стипендияи Раиси вилояти Суғд дар ҳаҷми аз 1200 то 3600 сомонӣ супорида шуд. Дар ин хусус АМИТ «Ховар» бо истинод ба хадамоти матбуоти Раиси вилояти Суғд хабар медиҳад.
Зимни супоридани туҳфаҳо иброз гардид, ки дар мамлакат ба рушди варзиш, фароҳам овардани шароити арзандаи тамрин ва дастгирии варзишгарон аз тарафи роҳбарияти олии мамлакат таваҷҷуҳи хосса равона карда мешавад.
Мақомоти иҷроияи ҳокимияти давлатии вилояти Суғд барои рушди варзиш якчанд қарор ва барномаҳоро амалӣ менамояд. Ҳамасола зиёд гаштани шумораи варзишгарон ва ҳунарнамоии муваффақонаи онҳо дар мусобиқаҳои сатҳи ҷумҳуриявӣ ва байналмилалӣ аз пешрафти ин соҳа дар вилоят дарак медиҳад.
Натиҷаи чунин дастгириҳо аст, ки соли равон варзишгарони вилоят дар мусобиқаҳои гуногуни вилоятӣ, ҷумҳуриявӣ, минтақавию байналмилалӣ ба гирифтани 1 ҳазору 320 медали тилло, 1 ҳазору 250 медали нуқра ва 1 ҳазору 530 медали биринҷӣ сазовор гардиданд.
Иттилоъ дода шуд, ки давоми соли 2024 дар шаҳру ноҳияҳои вилоят 57 иншооти варзишӣ аз ҳисоби маблағҳои буҷетӣ ва дигар сарчашмаҳо мавриди истифода қарор дода шуданд. Имрӯзҳо бунёди садҳо иншооти дигар бовусъат идома дорад.
Бо шарофати мавҷуд будани иншооти хурду бузурги варзишии ба талаботи сатҳи байналмилалӣ ҷавобгӯ имсол дар вилоят чандин мусобиқаҳо ва чемпионатҳои сатҳи ҷумҳуриявӣ, минтақавӣ ва байналмилалӣ бо фарогирии беҳтарин варзишгарон аз хориҷи дуру наздик баргузор карда шуданд.
Ҳамчунин барои саҳми арзанда дар рушди соҳаи варзиш, тарбияи шогирдон ва муаррифии шоистаи мамлакат дар мусобиқа ва чемпионатҳои сатҳи ҷаҳонӣ 60 нафар беҳтарин варзишгарон, мураббиён ва собиқадорони соҳа бо Сипоснома ва мукофотпулӣ қадрдонӣ карда шуданд.
АКС: Хадамоти матбуоти Раиси вилояти Суғд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
