Ҳаҷми маҷмуи маҳсулоти минтақавӣ дар шаҳри Ҳисор беш аз 4 миллиард сомониро ташкил намуд

Декабрь 27, 2024 15:00

ДУШАНБЕ, 27.12.2024 /АМИТ «Ховар»/. Дар ёздаҳ моҳи соли 2024 ҳаҷми маҷмуи маҳсулоти минтақавӣ дар шаҳри Ҳисор 4 миллиарду 564 миллион сомониро ташкил намуда, суръати рушд ба 113 фоиз баробар гардид. Ин нуктаро иҷрокунандаи Раиси шаҳри Ҳисор Ҷаббор Носирзода зимни натиҷагирӣ аз фаъолияти Мақомоти иҷроияи ҳокимияти давлатии шаҳри Ҳисор дар ёздаҳи моҳи соли равон дар иҷлосияи бисту панҷуми Маҷлиси вакилони халқи шаҳри Ҳисор, даъвати шашум таъкид намуд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад.

Таъкид гардид, ки ҳаҷми маҷмуи маҳсулоти минтақавӣ нисбат ба ҳамин давраи соли 2023 518 миллиону 500 ҳазор сомонӣ зиёд буда, ин нишондиҳанда дар истеҳсол ва коркарди маҳсулоти саноатӣ 101,9 фоиз, кишоварзӣ 111,3 фоиз, сармоягузорӣ ва сохтмон 140 фоиз, гардиши савдо 110,3 фоиз ва хизматрасонӣ 103 фоиз афзоиш ёфтааст.

Дар иҷлосия вакилон дар маҷмуъ понздаҳ масъала, аз ҷумла тасдиқи буҷети шаҳр дар соли 2025 ва иҷрои буҷет дар соли 2023, ворид намудани тағйиру иловаҳо ба қисми даромад ва хароҷоти буҷет дар соли 2024, муқаррар намудани меъёри андоз ва пардохти ҳатмии дигар андозҳо дар шаҳр, ворид намудани тағйиру иловаҳо ба нақшаи чорабиниҳои ҷашнии 35-солагии Истиқлоли давлатии Тоҷикистонро баррасӣ намуда, тасдиқ карданд.

Вакилон вобаста ба масъалаҳои рӯзномаи иҷлосия қарорҳои дахлдор қабул намуданд.

АКС: Мақомоти иҷроияи ҳокимияти давлатии шаҳри Ҳисор

Декабрь 27, 2024 15:00

Хабарҳои дигари ин бахш

Ҳунарҳои мардумӣ бо усули «хона ба хона» ва «маҳалла ба маҳалла» тарғиб карда шуданд
Дар ноҳияи Муъминобод 26 китобхона фаъолият менамояд
Имрӯз дар шаҳри Душанбе ҳаво то 36 дараҷа гарм мешавад
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад