Ҷаласаи якуми ҳайати нави Кумитаи иҷроияи Федератсияи футболи Тоҷикистон доир гардид
ДУШАНБЕ, 16.12.2024 /АМИТ «Ховар»/. Дар шаҳри Душанбе нахустин ҷаласаи Кумитаи иҷроияи Федератсияи футболи Тоҷикистон дар ҳайати нав баргузор гардид, хабар медиҳад АМИТ «Ховар» бо истинод ба Федератсия.
Аъзои Кумитаи иҷроияи Федератсияи футболи Тоҷикистон пешниҳоди Кумитаи баргузории мусобиқаҳоро дар бораи санаи оғози мавсими нави чемпионати Тоҷикистон қабул намуданд. Соли оянда мусобиқаи Лигаи олӣ 7 март оғоз меёбад.
Дар кори Кумитаи иҷроияи Федератсияи футболи Тоҷикистон қолаби нави маҳдудияти шумораи бозигарони хориҷӣ тасдиқ гардид. Соли 2025 ҳар дастаи Лигаи олӣ метавонад ҳадди аксар ҳафт бозигари хориҷиро бо дархости худ ворид кунад, аммо танҳо панҷ легионер дар як вақт имкон дорад дар майдон бошад.
Варзишгоҳи марказии Ҳисор макони баргузории бозӣ барои Суперҷоми Тоҷикистон-2025 байни чемпиони мамлакат – дастаи «Истиқлол»-и Душанбе ва барандаи Ҷоми Тоҷикистон – «Регар-ТадАЗ»-и Турсунзода тасдиқ карда шуд. Вохӯрӣ 25 май дар Рӯзи ҷаҳонии футбол баргузор мешавад.
Аъзои нави Кумитаи иҷроияи Федератсияи футболи Тоҷикистон ҳамчунин тасдиқ карданд, ки соли 2025 ҳар марҳилаи Ҷоми Тоҷикистон аз як бозӣ иборат гашта, вохӯрии ниҳоии Ҷоми Тоҷикистон-2025 дар варзишгоҳи «20-солагии Истиқлолияти Тоҷикистон»-и шаҳри Хуҷанд баргузор мегирад.
Ҳайати нави Кумитаи иҷроияи Федератсияи футболи Тоҷикистон ба хотири баланд бардоштани сифати доварӣ тасмим гирифт, ки музди маоши доварон, нозирон ва комиссаронро дар мавсими нав 30 дарсад боло баранд. Шуруъ аз соли 2025 довароне, ки дар бозиҳои Лигаи футболи Тоҷикистон кор мекунанд, барои холҳои пасти гирифтаашон ҷарима хоҳанд шуд.
Кумитаи иҷроия макони баргузории бозии нахустини тими миллии Тоҷикистон дар марҳилаи интихобии Ҷоми Осиё-2027 дар гурӯҳи «А» ба муқобили тими миллии Тимори Шарқиро тасдиқ кард. Ин вохӯрӣ 25 март дар Варзишгоҳи марказии Душанбе баргузор шуда, соати 16:00 оғоз меёбад.
Ҳамчунин Кумитаи иҷроияи Федератсияи футболи Тоҷикистон рӯйхати беҳтарин бозигарон ва мураббиёни соли 2024-ро тасдиқ намуд.
АКС: Федератсияи футболи Тоҷикистон
Варзишгарони тоҷик дар Бозиҳои XX Осиёӣ иштирок менамоянд
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
