Ҳамкории иқтисодии Тоҷикистон ва Тотористон тақвият меёбад
ДУШАНБЕ, 23.12.2024 /АМИТ «Ховар»/. Дар доираи шарикии стратегӣ бо Русия масъалаҳои ҳамкорӣ бо минтақаҳои он, аз ҷумла Тотористон дар маркази таваҷҷуҳи доимии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон қарор доранд. Чунин иброз гардид зимни мулоқоти ҳайати Тоҷикистон бо иштироки Вазири саноат ва технологияҳои нави Ҷумҳурии Тоҷикистон Шералӣ Кабир ва директори Агентии захираҳои моддии давлатии назди Ҳукумати Ҷумҳурии Тоҷикистон Нурмаҳмад Аҳмадзода бо Роҳбари Ҷумҳурии Тотористон Рустам Минниханов, ки дар шаҳри Қазон баргузор шуд. Дар ин хусус АМИТ «Ховар» бо истинод ба Вазорати саноат ва технологияҳои нави Ҷумҳурии Тоҷикистон иттилоъ медиҳад.
Ҷонибҳо оид ба вазъ ва дурнамои ҳамкории Тоҷикистон ва Ҷумҳурии Тотористон сухан гуфта, ба рушду тавсеаи робитаҳо дар соҳаҳои тиҷорат, сармоягузорӣ, металлургия, истихроҷи маъдан, нафту газ, саноати кимиё, сабук ва хӯрокворӣ, дорусозӣ ва сохтмон афзалият доданд. Дар ин замина ба рушди босамари муносибатҳо бо Ҷумҳурии Тотористон, ки яке аз минтақаҳои пешрафтаи иқтисодии Федератсияи Русия мебошад, таваҷҷуҳ зоҳир гардид.
Инчунин таҳким ва густариши робитаҳои бевоситаи иқтисодии субъектҳои хоҷагидорӣ ва доираҳои соҳибкорӣ дар бахши воқеии иқтисодиёт вазифаи таъхирнопазир дониста шуд. Ҷонибҳо иқтидори бузурги тарафҳоро барои афзоиши гардиши мутақобил, инчунин татбиқи муштараки лоиҳаҳои сармоягузорӣ дар соҳаҳои афзалиятнок таъкид намуданд.
Зимни мулоқот ҳавасмандии ҷонибҳо ба густариши минбаъдаи робитаҳои фарҳангию гуманитарӣ, аз ҷумла дар соҳаҳои маориф, илм ва тандурустӣ таъкид гардид.
АКС: Вазорати саноат ва технологияҳои нави Ҷумҳурии Тоҷикистон
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
