«БЕҲТАРИН ОИЛАИ ҲУНАРМАНД» ВА «БЕҲТАРИН ҲАМСАР». Дар Душанбе озмунҳои ҷумҳуриявӣ ҷамъбаст мегарданд
ДУШАНБЕ, 16.12.2024. /АМИТ «Ховар»/. Пагоҳ, 17 декабр, соати 10:00 дар шаҳри Душанбе Озмуни ҷумҳуриявии «Беҳтарин оилаи ҳунарманд» ва «Беҳтарин ҳамсар» ҷамъбаст мегарданд. Дар ин хусус ба АМИТ «Ховар» дар Кумитаи кор бо занон ва оилаи назди Ҳукумати Ҷумҳурии Тоҷикистон хабар доданд.
Ин озмунҳо дар доираи татбиқи «Барномаи давлатии рушди оила дар Ҷумҳурии Тоҷикистон барои солҳои 2024–2028» аз моҳи ноябр то нимаи аввали моҳи декабр дар шаҳру ноҳияҳои мамлакат баргузор шуданд.
Озмуни ҷумҳуриявии «Беҳтарин оилаи ҳунарманд» тадбири муҳим буда, аҳли ҷомеаро ба масъалаҳои баланд бардоштани маърифати оиладорӣ, касбу ҳунаромӯзӣ ва тарбияи дурусти фарзандон ҳидоят менамояд.
Оилаҳои ҳунарманд дар озмуни «Беҳтарин оилаи ҳунарманд» аз рўйи намудҳои тасдиқшудаи феҳристи ҳунарҳои бадеии халқӣ иштирок намуданд.
Ҳадафи озмуни «Беҳтарин ҳамсар», пеш аз ҳама, баланд бардоштани маърифати оиладорӣ, меҳру муҳаббат нисбат ба ҳамсар, тарбияи насли наврас дар руҳияи ватандӯстию худшиносӣ ва зебоипарастию меҳнатдӯстӣ мебошад.
Дар доираи талаботи озмуни «Беҳтарин ҳамсар» ба мардҳо афзалият дода шуд. Яъне, марди оила бояд ҳамаҷиҳата рушдёфта бошад, дар самти маърифатнокии аҳли оила, ба илмомӯзию касбомӯзӣ машғул шудани онҳо, меҳанпарастию меҳнатдӯстии фарзандон, таъмини шароити мусоид барои кору таҳсил, ҷалби фарзандон ба варзиш, корҳои ҷамъиятӣ ва дигар самтҳои рушди оила саҳм гузорад.
Ғолибон аз ҷониби кумитаи тадорукот бо Диплому туҳфаҳои хотиравӣ қадрдонӣ мешаванд.
АКС: АМИТ «Ховар»
Китобхонаи илмии Донишгоҳи давлатии Хоруғ баъди навсозӣ мавриди истифода қарор дода шуд
Дар Шаҳринав баҳри таъмини бехатарии ҳаракати нақлиёт ва пиёдагардон корҳои тозакунии роҳ аз барф идома доранд
20 декабр Анҷумани навбатии Ҳизби демократи Тоҷикистон баргузор мегардад
Дар Душанбе ҳамоиши кормандони ҷавони соҳаи ҳолатҳои фавқулода ва мудофиаи гражданӣ доир шуд
ДАР ПАРТАВИ ҲИДОЯТҲОИ ПЕШВОИ МИЛЛАТ. Дар шаҳри Душанбе, ноҳияҳои Рӯдакӣ ва Дарвоз ба оилаҳои ниёзманд кумак расонида шуд
Ташкили баҳисобгирии муҳосибӣ ва низоми молиявӣ дар шароити гузариш ба иқтисодиёти рақамӣ баррасӣ гардид
Имрӯз дар Тоҷикистон ҳавои тағйирёбанда шуда, борон ва барф меборад
«МАЪРИФАТИ ҲУҚУҚӢ». Бахшида ба Соли маърифати ҳуқуқӣ маҷмуаи мақолаҳои илмӣ-оммавӣ ба нашр расид
Дар шаҳри Турсунзода 29 ҳолати вайронкунии қонуни танзим дар тӯю маъракаҳо ошкор гардид
ҲИЗБИ ХАЛҚИИ ДЕМОКРАТИИ ТОҶИКИСТОН — ҲИЗБИ ОРМОНҲОИ ХАЛҚ. Дар Донишкадаи байналмилалии Хуҷанд ҳамоиши илмӣ-сиёсӣ доир гардид
Доир ба ҳифзи арзишҳои давлатдории миллӣ конференсия баргузор шуд
Имрӯз дар Тоҷикистон борон ва барф меборад
