Дар Британия қариб 66 ҳазор нафар бар асари тӯфон бе барқ монданд

ДУШАНБЕ, 10.12.2024 /АМИТ «Ховар»/. Қариб 66 000 нафар дар Британияи Кабир бар асари оқибатҳои тӯфони «Дара», ки рӯзҳои истироҳатӣ дар ҷазираҳои Британия ба амал омад, бе барқ монданд. Дар ин хусус рӯзномаи «The Guardian» иттилоъ додааст, хабар медиҳад АМИТ «Ховар» бо истинод ба ТАСС.

Манбаъ бо истинод ба Ассотсиатсияи шабакаҳои энергетикӣ хабар медиҳад, ки дар баъзе мавридҳо барои пайваст кардани хонаҳо ба шабакаҳои барқ зиёда аз ду рӯз зарур меояд, зеро пайвасткунандагони ноқили барқ ҳанӯз ҳам кор дар минтақаҳои зериобмондаро хеле хатарнок меҳисобанд.

Тӯфон ҳамроҳ бо борони шадид ва шамоли сахт бо суръати то 141 км дар як соат шаби шанбе дар шимолу ғарби Англия, Уэлс ва Ирландияи ҳамсоя ба амал омад. Дар Англия бар асари ба мошинҳо афтодани дарахтон ду нафар ҳалок шуданд. Дар авҷи тӯфон дар Британияи Кабир 259 000 хона ва дар Ирландия тақрибан 400 000 нафар бе барқ монданд.

АКС аз манбаъҳои боз