Дар Донишгоҳи давлатии Кӯлоб бахшида ба 100-солагии мунаққиди тоҷик Соҳиб Табаров ҳамоиш баргузор шуд

Декабрь 25, 2024 09:17

ДУШАНБЕ, 25.12.2024 /АМИТ «Ховар»/. Дар Донишгоҳи давлатии Кӯлоб ба номи Абуабдуллоҳи Рӯдакӣ бахшида ба 100-солагии адабиётшинос, мунаққид, омӯзгори варзида, барандаи Ҷоизаи давлатии Тоҷикистон ба номи Абуабдуллоҳи Рӯдакӣ Соҳиб Табаров таҳти унвони «Соҳиб Табаров-мунаққид ва адабиётшиноси шуҳратёр» бо иштироки доираи васеи олимону донишмандон ҳамоиши илмӣ-адабӣ доир шуд. Дар ин хусус ба АМИТ «Ховар» дар ин донишгоҳ хабар доданд.

Дар ҳамоиш иброз гардид, ки иқдоми наҷибу адабпарвари Президенти Тоҷикистон муҳтарам Эмомалӣ Раҳмон дар робита ба шинохти шахсиятҳои бузурги илмию фарҳангии мамлакат қобили ситоиш ва пайравӣ мебошад. Бо Амри Президенти Ҷумҳурии Тоҷикистон муҳтарам Эмомалӣ Раҳмон соли 2024 дар гӯшаю канори ҷумҳурӣ таҷлил намудани 100-солагии адабиётшиноси маъруфи тоҷик, мунаққид Соҳиб Табаров аз ҷумлаи тадбирҳои фарҳангии Роҳбари давлат мебошанд.

Таъкид гардид, ки шавқу ангезаи афзуни китобхонию илмандӯзӣ, иродаи матину мавқеъгирии устувор, фаъолияти мудому пурмаҳсул, ҷалби таваҷҷуҳу баҳрамандӣ аз мактаби ахтарони пурҷилои илму адаби замон, дар 23-солагӣ пазируфта шудан ба узвияти Иттифоқи нависандагон, дар 25-солагӣ дифои рисолаи илмии номзадӣ, дар 29-солагӣ узви вобастаи Академияи илмҳои Тоҷикистон гардидан, тақвияти пуркорию таълифот ва дигар далелҳо аз ҳаёти шарафбори наздик ба як қарни устод Соҳиб Табаров, воқеан, аз шахсияти барҷастаю нотакрор ва олими шоистаю фарзанди ҷонпайванди миллат будани ӯ башорат медиҳанд.

Дар ҳамоиш дар мавзуъҳои «Зиндагӣ ва фаъолияти илмӣ-омӯзгории Соҳиб Табаров» ва «Маҳорати чеҳраофаринии Соҳиб Табаров дар танқиди адабӣ ва адабиётшиносӣ» маърузаҳо пешниҳод шуданд.

АКС: Донишгоҳи давлатии Кӯлоб ба номи Абуабдуллоҳи Рӯдакӣ

Декабрь 25, 2024 09:17

Хабарҳои дигари ин бахш

Маркази саратоншиносии шаҳри Кӯлоб бо дастгоҳҳои замонавии рентгени рақамӣ таъмин гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба поси хотири оҳангсоз Шарофиддин Сайфиддинов консерти мусиқии камеравӣ баргузор шуд
Саҳм ва хизматҳои Баҳром Сироҷов дар рушди соҳаи энергетикаи Тоҷикистон назаррас аст
Интернети мобилӣ дар ҳаҷми ду маротиба бештар дастрас мешавад
Имрӯз дар Тоҷикистон бориши барф дар назар аст
Намояндагони Агентии байналмилалии неруи атомӣ бо фаъолияти муассисаҳои соҳаи тандурустии Тоҷикистон шинос шуданд
Дар Минтақаи таълимӣ-таҷрибавии «Хуррамзамин» 2200 бех ниҳоли мевадиҳанда шинонида шуд
Дар назди Донишгоҳи технологии Тоҷикистон Маркази таълими забони кореягӣ ва омодасозии касбӣ ифтитоҳ гардид
Имрӯз дар Тоҷикистон бориши борон ва барф дар назар аст
Татбиқи «Барномаи рушди иҷтимоию иқтисодии ноҳияи Роштқалъа барои солҳои 2021-2025» баррасӣ гардид
ГРАНТИ ПРЕЗИДЕНТӢ. Занони хоҳишманд метавонанд лоиҳаҳои грантии худро пешниҳод намоянд