Дар натиҷаи суқути ҳавопаймо дар Кореяи Ҷанубӣ 179 нафар ба ҳалокат расид
ДУШАНБЕ, 30.12.2024 /АМИТ «Ховар»/. Дар натиҷаи суқути ҳавопаймо дар Кореяи Ҷанубӣ, ба истиснои ду нафари наҷотёфта ҳама мусофирон ва ҳайати экипаж ба ҳалокат расиданд. Тавре АМИТ «Ховар» хабар медиҳад, дар ин хусус агентии «Казинформ» бо истинод ба Yonhap иттилоъ додааст.
Ёдовар мешавем, ки ҳавопаймои Jeju Air субҳи рӯзи якшанбе дар фурудгоҳи байналмилалии Муан кӯшиш намуд, ки фуруди изтирорӣ анҷом диҳад. Ҳавопаймо аз хати парвоз баромада, ба девор бархӯрд, дар натиҷа хисороти зиёд ва сӯхтор ба амал омад, ки баъдан хомӯш карда шуд.
Намояндаи идораи оташнишонӣ иттилоъ дод, ки пас аз бархӯрд мусофирон аз ҳавопаймо партофта шуданд.
Дар дохили ҳавопаймо 181 нафар, аз ҷумла шаш аъзои экипаж буданд. Аксари мусофирон, ба истиснои ду шаҳрванди Тайиланд шаҳрвандони Кореяи Ҷанубӣ будаанд.
Як мусофир ва як нафар аз ҳайати экипаж- ҳарду зан- пас аз суқут зуд наҷот дода шуданд ва ҳоло дар беморхонаи Мокпо ба табобат фаро гирифта шудаанд.
Иҷрокунандаи вазифаи президенти Кореяи Ҷанубӣ, муовини сарвазир Чхве Сан Мок дар робита ба суқути ҳавопаймо дар фурудгоҳи Муан як ҳафта мотам эълон намуд.
АКС аз манбаъҳои боз
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
Имрӯз дар водиҳои Тоҷикистон ҳаво то 38 дараҷа гарм мешавад
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
35 СОЛИ СОЗАНДАГӢ ВА РУШД ДАР ХАТЛОН. 55–60 фоизи ҳаҷми умумии маҳсулоти кишоварзии Тоҷикистон дар ин вилоят истеҳсол мешавад
