Дар шаҳри Гулистон даври омӯзишии «Пайравони Пешвои миллат» доир гардид
ДУШАНБЕ, 30.12.2024. /АМИТ «Ховар»/. Дар Мақомоти иҷроияи ҳокимияти давлатии шаҳри Гулистон даври омӯзишии «Пайравони Пешвои миллат» доир гардид, ки дар он мавзуи «Нақши Пешвои миллат муҳтарам Эмомалӣ Раҳмон дар рушд ва эҳёи давлатдории тоҷикон» мавриди баррасӣ қарор гирифт. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Гулистон хабар медиҳад.
Гуфта шуд, ки ибтидо бо баргузории Иҷлосияи XVI Шурои Олии Ҷумҳурии Тоҷикистон дар Қасри Арбоби Хуҷанд ва ба ҳайси Раиси Шурои Олӣ Сарвари давлати тоҷикон интихоб гардидани шахсияти баруманди миллат муҳтарам Эмомалӣ Раҳмон нахустин қадамҳои қатъӣ дар таҳкими Истиқлолияти давлатӣ гузошта шуданд.
Ҳукумати навтаъсиси мамлакат бо сарварии Пешвои миллат муҳтарам Эмомалӣ Раҳмон пас аз баргузории Иҷлосияи XVI Шурои Олӣ дар роҳи таъмини сулҳу субот ва амнияти миллӣ пайваста тадбирҳои муассир ва натиҷабахш андешид.
Воқеан ҳам соҳибистиқлолӣ бузургтарин комёбии халқи тоҷик дар охири асри бист ба шумор рафта, Тоҷикистон маҳз ба туфайли он аъзои баробарҳуқуқи ҷомеаи ҷаҳон эътироф гардид ва дар байни кишварҳои мутамаддини олам соҳиби мавқеи арзанда шуд.
Давоми солҳои соҳибистиқлолӣ Тоҷикистон бо роҳбарии Президенти мамлакат муҳтарам Эмомалӣ Раҳмон ба дастовардҳои баланд ноил гардид. Барои таъмини рушди босуботи мамлакат бо ташаббуси Пешвои миллат муҳтарам Эмомалӣ Раҳмон ҳадафҳои стратегии мамлакат — таъмини истиқлолияти энергетикӣ, раҳоӣ аз бунбасти коммуникатсионӣ, ҳифзи амнияти озуқаворӣ ва саноатикунонии босуръати ҷумҳурӣ давра ба давра эълон карда шуданд.
Имрӯз замоне фаро расидааст, ки сокинони саодатманди мамлакат ба ин нуктаи ибратомӯз аз гуфтаҳои Пешвои миллат муҳтарам Эмомалӣ Раҳмон таваҷҷуҳ намуда, онро сармашқи кори худ қарор диҳанд: «Ҳар шаҳрванди худогоҳи мамлакат бояд то чӣ андоза муҳим будани истиқлолу озодӣ, давлати миллӣ, сулҳу оромӣ, суботи сиёсӣ ва ваҳдати миллиро амиқан дарк намояд ва дар таҳкиму тақвият бахшидани низоми давлатдории демократӣ ва ҳуқуқбунёду дунявӣ, ки бо майлу иродаи халқи Тоҷикистон интихоб шудааст, саҳми ватандӯстона гузорад».
АКС: Мақомоти иҷроияи ҳокимияти давлатии шаҳри Гулистон
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
Имрӯз дар Тоҷикистон ҳавои тағйирёбанда пешгӯӣ мешавад
Дар Бохтар оид ба даъвати баҳории ҷавонон ба хизмати ҳарбӣ ҳамоиш баргузор гардид
Имрӯз дар водиҳои Тоҷикистон ҳаво то 27 дараҷа гарм мешавад
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
Имрӯз дар шаҳри Душанбе ҳаво то 27 дараҷа гарм мешавад
