Дар Тоҷикистон марҳилаи рамзгузории электронӣ ба воситаҳои доруворӣ ва молҳои тиббӣ оғоз мегардад
ДУШАНБЕ, 27.12.2024 /АМИТ «Ховар»/. Аз 1 январи соли 2025 дар ҷумҳурӣ марҳилаи рамзгузории электронӣ ба воситаҳои доруворӣ ва молҳои тиббӣ бо мақсади татбиқи қарори Ҳукумати Ҷумҳурии Тоҷикистон «Дар бораи рамзгузории электронӣ, фаъолияти операторони пайгиркунандаи гардиши молҳо ва раванди назорати онҳо» оғоз мегардад, иттилоъ медиҳад АМИТ «Ховар» бо истинод ба Хадамоти гумруки назди Ҳукумати Ҷумҳурии Тоҷикистон.
Дар ин замина масъулини Хадамоти гумруки Тоҷикистон корҳои фаҳмондадиҳиро дар раёсатҳои минтақавии гумрукӣ ва иштирокчиёни фаъолияти иқтисодии хориҷӣ баргузор намуданд. Вохӯриҳо дар дидбонгоҳҳои барасмиятдарории молҳои зераксизӣ, дидбонгоҳи гумрукӣ дар ноҳияи Мастчоҳ, дидбонгоҳи гумрукӣ дар шаҳри Хуҷанд, Терминали Хуҷанд, дидбонгоҳи гумрукӣ дар шаҳри Истаравшан ва инчунин дар Раёсати минтақавии гумрукӣ дар вилояти Суғд, шаҳри Душанбе, вилояти Хатлон, шаҳри Турсунзода ва «Терминали Дӯстӣ» бо иштироки масъулини шуъбаҳои функсионалии раёсат ва намояндагони ширкатҳои воридкунандаи воситаҳои доруворӣ ва молҳои тиббӣ баргузор гардиданд.
Зимни вохӯриҳо ба иштирокчиён талаботи қарори Ҳукумати Ҷумҳурии Тоҷикистон оид ба оғози марҳилаи рамзгузории электронӣ аз 1 январи соли 2025 фаҳмонида шуда, машваратҳо барои ҳамкорӣ бо оператори расмӣ – ҶДММ «Технология Групп» ва бастани шартномаҳо барои гирифтани рамзҳои электронӣ пешниҳод шуданд.
Дар ҷараёни вохӯриҳо байни масъулини мақомоти гумрук ва ширкатҳои воридкунандаи маводи доруворӣ саволу ҷавоб оид ба ҷанбаҳои техникии татбиқи рамзгузории электронӣ баргузор гардид. Ҳамзамон масъалаи риояи талаботи амалкунанда вобаста ба рамзгузории электронии маҳсулоти тамоку, машрубот ва дигар молҳои зери назорат қарордошта таҳлил ва баррасӣ шуд.
Инчунин барои ба кормандон омӯзонидани истифодаи низоми рамзгузории электронии мол чанде пеш аз ҷониби масъулини ҶДММ «Технология Групп» ба таври маҷозӣ рунамо ва видеомавод пешниҳод гардид.
Ба иштирокчиёне, ки фаъолияти иқтисодии хориҷӣ мебаранд, таъкид карда шуд, ки то оғози марҳилаи рамзгузории электронӣ аз 1 январи соли 2025 онҳо бояд бо ҶДММ «Технология Групп» барои гирифтани QR-рамзҳо шартнома баста, тамоми талаботи марбутаи қарорро риоя намоянд.
Хадамоти гумруки назди Ҳукумати Ҷумҳурии Тоҷикистон ба ҳама иштирокчиёни раванди воридот тавсия медиҳад, ки ба татбиқи пурраи рамзгузории электронӣ омода шуда, дар ҳамкорӣ бо операторони расмӣ тадбирҳои зарурӣ андешанд.
АКС: Хадамоти гумруки назди Ҳукумати Ҷумҳурии Тоҷикистон
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
