ФУТБОЛ. Дар бозии аввали дастаҳои «Парвоз» ва «Панҷшер» ғолиб муайян нашуд
ДУШАНБЕ, 04.12.2024. /АМИТ «Ховар»/. Бозии аввали гузаришӣ барои мавсими ояндаи Лигаи олӣ байни дастаҳои футболи «Парвоз»-и Фурудгоҳи байналмилалии шаҳри Хуҷанд ва «Панҷшер»-и ноҳияи Ҷалолиддини Балхӣ дар шаҳри Хуҷанд баргузор шуда, бо натиҷаи мусовии 1 бар 1 анҷом ёфт. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Аз ҳайати дастаи футболи «Панҷшер»-и ноҳияи Ҷалолиддини Балхӣ дар дақиқаи 6-уми бозӣ Давлатбек Сайдаминов гол зада, ҳисобро боз кард. Муҳсин Рустамзода дар дақиқаи 64-уми бозӣ аз ҳайати дастаи футболи «Парвоз»-и Фурудгоҳи байналмилалии шаҳри Хуҷанд гол зада, ҳисобро мусовӣ намуд.
Тақдири роҳхат ба мавсими навбатии Лигаи олӣ дар бозии дуюм ҳал мешавад. Вохӯрии дуюми дастаҳо 7 декабр дар ноҳияи Ҷалолиддини Балхӣ баргузор мегардад.
Ёдовар мешавем, ки дастаи футболи «Ҳулбук»-и ноҳияи Восеъ ғолиби Лигаи якуми Тоҷикистон дар мавсими 2024 гардид. Дастаи футболи «Ҳулбук»-и ноҳияи Восеъ дар 24 бозии мавсим 62 имтиёз ба даст оварда, бо бартарии 2 имтиёз аз дастаи футболи «Парвоз»-и Фурудгоҳи байналмилалии шаҳри Хуҷанд чемпиони мусобиқа шуд.
АКС: Федератсияи футболи Тоҷикистон
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
Иштирокдорони Бозиҳои 20-уми Осиёӣ—2026-ро дар Фурудгоҳи байналмилалии Душанбе истиқбол гирифтанд
Дастаи мунтахаби Тоҷикистон дар бозии дӯстона бар тими миллии Чин пирӯз шуд
Имрӯз дастаи мунтахаби Тоҷикистон оид ба футбол бо дастаи мунтахаби Чин бозии дӯстона анҷом медиҳад
ҶОМИ ОСИЁ-2027. Дастаи мунтахаби духтаронаи Тоҷикистон (U-17) бо тими Урдун мусовӣ бозӣ кард
Дар Сафорати Тоҷикистон дар Салтанати Умон бо дастаи мунтахаби олимпии футболи Тоҷикистон вохӯрӣ доир шуд
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
