ФУТБОЛ. Дастаи мунтахаби духтаронаи то 17-солаи Тоҷикистон бар ҳамсолонаш аз Арабистони Саудӣ ғолиб омад
ДУШАНБЕ, 19.12.2024. /АМИТ «Ховар»/. Дастаи мунтахаби духтаронаи то 17-солаи Тоҷикистон оид ба футбол таҳти роҳбарии Фарҳодҷон Холбеков дар доираи ҷамъомади тамринӣ, ки дар шаҳри Ҷидда идома дорад, бозии дуюми дӯстона анҷом дод. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
18 декабри соли 2024 дастаи мунтахаби духтаронаи то 17-солаи Тоҷикистон боз бо ҳамсолони худ аз Арабистони Саудӣ бозӣ кард. Ин дафъа низ дастаи мунтахаби духтаронаи то 17-солаи Тоҷикистон бо ҳисоби 1:0 ғолиб гардид. Голи ягонаро дар дақиқаи 82-юм Райҳона Шомуродова ба нишон расонд. Қаблан дар рақобати санҷишии якум дастаи мунтахаби духтаронаи то 17-солаи Тоҷикистон бар дастаи мунтахаби духтаронаи то 17-солаи Арабистони Саудӣ бо ҳисоби 2:0 пирӯз шуда буд. Голҳои дастаи мунтахаби Тоҷикистонро дар нахустин бозии дӯстона Маҳиноз Нурова ва Райҳона Шомуродова ба дарвозаи дастаи рақиб ворид намуданд.
Бозиҳои дӯстона бо дастаи мунтахаби духтаронаи то 17-солаи Арабистони Саудӣ барои дастаи мунтахаби духтаронаи то 17-солаи Тоҷикистон яке аз марҳилаҳои омодагӣ ба мусобиқаи интихобии Ҷоми Осиё-2026 мебошанд, ки аз 9 то 17 октябри соли оянда баргузор мешаванд.
АКС: Федератсияи футболи Тоҷикистон
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод
Паҳлавонони Тоҷикистон дар Мусобиқаи байналмилалии «Zagreb Grand Prix» оид ба гӯштини ҷудо иштирок менамоянд
Ҷоми Осиё-2027 оид ба футбол аз моҳи декабри соли 2027 то январи 2028 доир мешавад
Ҳайати дастаи мунтахаби Тоҷикистон барои иштирок дар Мусобиқаи «Кing’s Сup-2026» муайян шуд
Дастаи мунтахаби наврасони Тоҷикистон дар Дубай се бозии дӯстона анҷом медиҳад
БАРНОМАИ РУШДИ ФУТБОЛ ДАР ТОҶИКИСТОН. Беш аз 15 ҳазор наврасон ба тамрини футбол фаро гирифта шуданд
Шурои мураббиёни ФФТ натиҷаи фаъолияти дастаҳоро ҷамъбаст ва нақшаҳои соли 2027-ро баррасӣ намуд
Варзишгари тоҷик Фатҳулло Одинаев дар марафони байналмилалии Ню-Йорк иштирок намуд
Ҳафт паҳлавони тоҷик дар Чемпионати ҷаҳон оид ба гӯштини кураш дар Қазоқистон иштирок менамоянд
Дастаи миллии Тоҷикистон оид ба футзал бо дастаи мунтахаби Узбекистон бозиҳои дӯстона анҷом медиҳад
