ЛИГАИ ОЛИИ ТОҶИКИСТОН. «Истиқлол» бар дастаи футболи «Равшан»-и шаҳри Кӯлоб ғолиб омад
ДУШАНБЕ, 12.12.2024. /АМИТ «Ховар»/. Дастаҳои футболи «Истиқлол»-и шаҳри Душанбе ва «Равшан»-и шаҳри Кӯлоб дар бозии охирини мавсими имсолаи Лигаи олии Тоҷикистон дар даври 22-юм рақобат намуданд. Вохӯрии дастаҳо дар Варзишгоҳи марказии шаҳри Душанбе баргузор шуда, бо ҳисоби 1 бар 0 ба анҷом расид. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Ягона голи ғалабаовари бозиро аз ҳайати дастаи футболи «Истиқлол»-и шаҳри Душанбе Дарко Илиески дар дақиқаи иловагии 90+3-и бозӣ ба нишон расонид. Ҳамин тавр, дар ин бозии муҳим дастаи футболи «Равшан»-и шаҳри Кӯлоб мағлуб шуд. Дар сурати ғалаба дастаи футболи «Равшан»-и шаҳри Кӯлоб барандаи медали нуқраи Лигаи олии Тоҷикистон мегардид.
Ба ҳамин тартиб, дастаи «Истиқлол»-и шаҳри Душанбе бо 59 имтиёз барандаи медали тилло ва ҷоми мусобиқа шуд. Дастаи футболи «Хуҷанд»-и шаҳри Хуҷанд бо 43 имтиёз соҳиби медали нуқра гардид. Дастаи футболи «Равшан»-и шаҳри Кӯлоб бо 41 имтиёз барандаи медали биринҷӣ шуд.
Тибқи натиҷаи соли 2024 дастаи футболи «Куктош»-и ноҳияи Рӯдакӣ Лигаи олии чемпионати Тоҷикистонро тарк мекунад. Дастаи футболи «Ҳулбук»-и ноҳияи Восеъ, ки ғолиби Лигаи якуми Тоҷикистон гардид, соли 2025 ҳуқуқи иштирок дар чемпионати Тоҷикистон байни дастаҳои Лигаи олиро пайдо намуд.
Ёдовар мешавем, ки оғози мавсими навбатии мусобиқоти чемпионати Тоҷикистон байни дастаҳои Лигаи олӣ 7 марти соли 2025 дар назар аст. Мисли имсол чемпионати Тоҷикистон дар ду давра бо иштироки 12 даста баргузор мешавад. Давоми мавсим ҳар даста дар чемпионат 22 вохӯрӣ мегузаронад.
АКС: Федератсияи футболи Тоҷикистон
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
