Озмуни байналмилалии «Кашфи олами моликияти зеҳнӣ» ҷамъбаст шуд
ДУШАНБЕ, 20.12.2024. /АМИТ «Ховар»/. 18 декабр дар шаҳри Мински Ҷумҳурии Беларус Озмуни сеюми байналмилалии «Кашфи олами моликияти зеҳнӣ» ҷамъбаст гардид. Дар ин хусус ба АМИТ «Ховар» дар Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон хабар доданд.
Бо роҳнамоии Маркази миллии патенту иттилооти Тоҷикистон зиёда аз 60 ҷавон аз ҷумҳурӣ дар озмун иштирок намуд. Аз ҷумла, 4 нафар: Аҳмадҷон Назаров-донишҷӯи Донишгоҳи миллии Тоҷикистон, Лола Иргашева- хонандаи Муассисаи давлатии таълимии «Литсейи президентӣ барои хонандагони болаёқат», Зарнигор Бадалзода- хонандаи Муассисаи давлатии таълимии «Литсейи президентӣ барои хонандагони болаёқат» ва Албина Бердникова- омӯзгори Муассисаи давлатии таълимии «Литсейи президентӣ барои хонандагони болаёқат» сазовори ҷойҳои намоён ва ҷоизаҳо гардиданд.
Ёдовар мешавем, ки дар Озмуни сеюми байналмилалии «Кашфи олами моликияти зеҳнӣ» хонандагони муассисаҳои таҳсилоти миёнаи умумӣ, миёнаи касбӣ ва олӣ, инчунин омӯзгорон аз давлатҳои аъзои Ташкилоти патентии Авруосиёӣ иштирок намуданд.
Озмун аз моҳи сентябр то декабри соли 2024 идома ёфта, дар он зиёда аз 900 нафар аз ҷумҳуриҳои Тоҷикистон, Беларус, Қазоқистон ва Федератсияи Русия иштирок намуданд.
АКС: Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон
Дар вилояти Суғд шумораи корхонаҳои саноатӣ нисбат ба соли 1991 беш аз ҳазор адад зиёд шудааст
Дар ҳавзаи дарёи Кофарниҳон се стансияи худкори обуҳавосанҷӣ насб карда шуд
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
Дар ноҳияи Мастчоҳ тадбирҳои агротехникӣ барои ҷамъоварии ҳосили зироат идома доранд
Дар Душанбе нахустин Форум ва намоишгоҳи байналмилалии саноати хӯрокворӣ — Тоҷикистон-2026 оғоз ёфт
«ИСТИҚЛОЛ» — ЗУҲУРОТИ НАВИ АМЕТИСТ. Он бахшида ба 35-солагии Истиқлоли давлатии Ҷумҳурии Тоҷикистон номгузорӣ шудааст
Дар ҷаласаи Кумитаи байнидавлатии авиатсионӣ ифтитоҳи хатсайрҳои нави ҳавоӣ байни Тоҷикистон ва кишварҳои ИДМ баррасӣ шуд
Раванди татбиқи барномаи иммунопрофилактика ва Консепсияи иқтисоди рақамӣ баррасӣ шуд
Хати магистралии алоқаи «Душанбе–Хоруғ–Қулма» то охири моҳи сентябр ба истифода дода мешавад
Нахустин гурӯҳи роҳбаладони «Shohin Airlines» барои гузаштани омӯзиши касбӣ ба Turkish Aviation Academy фиристода шуд
Дар Душанбе оид ба ҳифзи пиряхҳо дар шароити тағйирёбии иқлим конфронси байналмилалӣ доир шуд
35 СОЛИ СОҲИБИСТИҚЛОЛИИ ТОҶИКИСТОН. Шумораи корхонаҳои парандапарварӣ қариб 11 маротиба бештар шуд
