Пешгӯйии илмӣ: То соли 2027 дар баҳрҳои Арктика ях пурра аз байн меравад

ДУШАНБЕ, 10.12.2024 /АМИТ «Ховар»/. Бо эҳтимоли 3% метавон санаеро пешгӯӣ намуд, ки дар Уқёнуси Яхбастаи Шимолӣ дигар ях ба вуҷуд намеояд. Ин тахминан давоми як сол ё якчанд сол метавонад ба амал ояд. Новобаста ба ин, наметавон гуфт, ки Арктика аз рӯи Замин тамоман нест мешавад.

Тавре АЗЕРТАҶ бо истинод ба расонаҳои хабарии Русия иттилоъ медиҳад, дар ин хусус коршиноси масоили иқлими фонди «Табиат ва одамон» Алексей Кокорин изҳор доштааст.

Ба иттилои ӯ, дар гузориши сеюми арзёбии тағйирёбии иқлими Хадамоти федеролии гидрометеорология ва мониторинги муҳити зисти Русия, ки ду сол қабл нашр шуда буд, ин эҳтимол барои соли 2030 5% арзёбӣ шуда буд, аммо аллакай соли 2015 он ҳамагӣ 0,5 фоизро ташкил дод.

Кокорин хотиррасон намуд, ки давраи тобистон дар Арктика аз моҳи май то моҳи сентябр давом мекунад.

АКС аз манбаъҳои боз