Сардори Хадамоти гумруки Тоҷикистон дар конфронси «Закот, Андоз ва Гумрук 2024» иштирок намуд
ДУШАНБЕ, 05.12.2024 /АМИТ «Ховар»/. 4-5 декабр дар шаҳри Риёзи Подшоҳии Арабистони Саудӣ конфронси «Закот, Андоз ва Гумрук 2024» (ZATCA Conference 2024) таҳти унвони «Ташаккули оянда барои экосистемаи устувор» баргузор шуд, ки дар кори он сардори Хадамоти гумруки назди Ҳукумати Ҷумҳурии Тоҷикистон Хуршед Каримзода иштирок намуд.
Тавре ба АМИТ «Ховар» дар Хадамоти гумрук хабар доданд, дар конференсия роҳбарони мақомоти гумрук ва андоз, ташкилоти байналмилалӣ, коршиносон ва сармоягузорон иштирок намуданд.
Масъалаҳои рушди технологияҳои рақамӣ дар идоракунии закот, андоз ва гумрук, таъмини шаффофият ва самаранокии пешбурди фаъолияти мақомоти гумрук, имконият ва мушкилоти истифодаи зеҳни сунъӣ дар идоракунии ташкили назорати гумрукӣ, ҳамкории байналмилалӣ дар рушди иқтисодиёти устувор ва мустаҳкамгардонии ҳамкории судманд дар самти фаъолияти гумрукӣ ва андозӣ аз ҷониби роҳбарони мақомоти гумрук, андоз ва мутахассисони сатҳи байналмилалӣ муҳокима гардид.
Дар ҳошияи конфронс сардори Хадамоти гумруки Тоҷикистон Хуршед Каримзода бо роҳбари Раёсати андоз, гумрук ва закоти Подшоҳии Арабистони Саудӣ Суҳайл бин Муҳаммад Абанмӣ мулоқот намуд, ки зимни он вазъи кунунӣ ва дурнамои ҳамкорӣ дар пешбурди фаъолияти гумрукӣ мавриди баррасӣ қарор гирифт.
Роҳбарони мақомоти гумруки ҷонибҳо ҳамчун мақоми калидӣ дар содагардонии расмиёти савдо ва гардиши мунтазами тиҷорати байналмилалӣ ба мувофиқа расиданд, ки ҳамкории гумрукиро байни ду мамлакат боз ҳам вусъат диҳанд.
АКС: Хадамоти гумруки назди Ҳукумати Ҷумҳурии Тоҷикистон
Дар хоҷагии деҳқонии «Ҳолиёр Қурбонов»-и Қубодиён дар 11 гектар меваю зироат парвариш мешавад
РУШДИ ПАРАНДАПАРВАРӢ. Дар Зафаробод сохтмони фабрикаи мурғпарварӣ идома дорад
МАСЛИҲАТИ МУТАХАССИС. Истеъмоли зардолу фаъолияти зеҳнӣ ва хотираро беҳтар мекунад
ИСТИФОДАИ САМАРАНОКИ ЗАМИН. Сокини ноҳияи Панҷ дар 2 гектар гармхонаҳои доимӣ бунёд намудааст
Дар Душанбе дурнамои тақвияти ҳамкории Тоҷикистон бо БАТР баррасӣ гардид
Дар Душанбе оид ба сохтмони корхонаи «энергия аз партовҳо» вохӯрӣ доир шуд
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Гурӯҳи кории Хадамоти зиддиинҳисорӣ барои танзими нархи семент дар бозорҳои ҷумҳурӣ санҷиш гузаронид
Ғолибони Озмуни ҷумҳуриявӣ таҳти унвони «Ҷавонон– муқобили коррупсия» қадрдонӣ карда шуданд
Дар Остона ҷаласаи 12-уми Шурои сиёсати саноатии кишварҳои аъзои ИДМ баргузор гардид
РӮЗИ БАЙНАЛМИЛАЛИИ КАРТОШКА. Ин зироат аз ҳисоби ҳаҷми умумии истеҳсол дар ҷаҳон ҷои сеюмро ишғол менамояд
