Соҳибкорону саноатчиёни Вилояти Мухтори Кӯҳистони Бадахшон қадрдонӣ гардиданд
ДУШАНБЕ, 24.12.2024 /АМИТ «Ховар»/. Дар шаҳри Хоруғ маросими қадрдонии соҳибкорону саноатчиёни Вилояти Мухтори Кӯҳистони Бадахшон дар соли 2024 баргузор шуд. «Шоҳҷоиза» — и беҳтарин корхонаи саноатии Вилояти Мухтори Кӯҳистони Бадахшон — 2024 насиби Корхонаи коркарди санги Ҷамъияти дорои масъулияти маҳдуди «Суман» гардид.
Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Хоруғ хабар доданд.
Раиси Вилояти Мухтори Кӯҳистони Бадахшон Алишер Мирзонабот иброз дошт, ки чун дигар соҳаҳои муҳими иҷтимоию иқтисодӣ дар солҳои аввали соҳибистиқлолии мамлакат соҳаи саноат ва рушди соҳибкории хурду миёна дар мадди назари роҳбарияти олии мамлакат қарор дошт. «Новобаста аз мушкилоти сангини он давра таҳти ҳидоят ва роҳбарии Президенти Тоҷикистон, Пешвои миллат муҳтарам Эмомалӣ Раҳмон барои барқарор намудани соҳаи саноат ва бунёди иқтидори нав аз ҷониби Ҳукумати Ҷумҳурии Тоҷикистон тадбирҳои муҳими зарурӣ андешида шуданд»,-баён дошт раиси вилоят.
Солҳои охир соҳаи саноати вилоят тамоюли мусбати рушдро нигоҳ дошта, дар баъзе самтҳо суръати афзоиш бамаротиб зиёд мешавад. Аз ҷумла, барои расидан ба ҳадафи олии давлат, яъне саноатикунонии босуръати мамлакат дар ин замина таъмин намудани аҳолӣ бо ҷойи кор ва баланд бардоштани сатҳи зиндагии сокинони мамлакат, инчунин сазовор пешвоз гирифтани ҷашни 35-солагии Истиқлоли давлатӣ Фармони Президенти Ҷумҳурии Тоҷикистон «Дар бораи «Солҳои рушди саноат» эълон намудани солҳои 2022 – 2026» ба тавсиб расид. Дар асоси нақшаи пешбинишуда давоми солҳои 2022-2026 бояд 92 корхона ва коргоҳи нави истеҳсолӣ дар шаҳру ноҳияҳои вилоят сохта, ба истифода дода шаванд. Бо дастгирии Ҳукумати Ҷумҳурии Тоҷикистон, хосса Сарвари давлат муҳтарам Эмомалӣ Раҳмон танҳо давоми ду соли охир ва 11 моҳи соли равон дар ҳудуди вилоят дар маҷмуъ 94 корхона ва коргоҳ мавриди истифода қарор дода шуд.
Давоми ду соли охир дар заминаи баргузории Форуми байналмилалии соҳибкорию сармоягузории «Помиринвест» барои соҳаи саноати вилоят 2,6 миллиард сомонӣ ҷудо гардид, ки то имрӯз аксар шартномаҳои басташуда амалӣ гардиданд.
Дар идома дар вазъияти тантанавӣ соҳибкорону саноатчиёни муваффақе, ки соли 2024 дар рушди иҷтимоию иқтисодии вилоят фаъолияти назаррас нишон доданд, бо Ифтихорнома, Сипоснома ва мукофотпулии раиси вилоят сарфароз гардонида шуданд.
АКС: Мақомоти иҷроияи ҳокимияти давлатии шаҳри Хоруғ
Дар Душанбе Форуми байналмилалии нассоҷии Тоҷикистон – 2026 доир мегардад
РАШТ ДАР ДАВРОНИ СОҲИБИСТИҚЛОЛӢ. Мулоҳизаҳо оид ба нақши сиёсати давлатӣ дар рушди иқтисодию иҷтимоии ин ноҳия
Дар Тоҷикистон шумораи субъектҳои хоҷагидори амалкунанда беш аз 100 ҳазор зиёд гардидааст
Дар Тоҷикистон дар 25 соли охир ҳаҷми истеҳсоли маҳсулоти кишоварзӣ 122 баробар афзоиш ёфтааст
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
