«TOURIST MAP TAJIKISTAN». Он барои ба сайёҳон муаррифӣ намудани мавзеъҳои Тоҷикистон таҳия гардид
ДУШАНБЕ, 16.12.2024. /АМИТ «Ховар»/. Дар Кумитаи рушди сайёҳии назди Ҳукумати Ҷумҳурии Тоҷикистон барномаи мобилии «Харитаи сайёҳии Тоҷикистон» («Tourist Map Tajikistan») муаррифӣ гардид.
Тавре мухбири АМИТ «Ховар» хабар медиҳад, дар рӯнамоии барнома иброз гардид, ки замимаи мобилии «Харитаи сайёҳии Тоҷикистон» дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон оид ба рақамикунонии босифати иқтисоди мамлакат ва гузаштани соҳаи сайёҳӣ ба низоми рақамикунонӣ таҳия гардидааст.
Ин замима бо ибтикори Муассисаи давлатии Маркази татбиқи лоиҳаи «Дастрасӣ ба маблағгузории сабз ва маблағҳои рушди деҳот»-и назди Вазорати молияи Ҷумҳурии Тоҷикистон ва Кумитаи рушди сайёҳии назди Ҳукумати Ҷумҳурии Тоҷикистон аз ҷониби ширкати ватании Ҷамъияти дорои масъулияти маҳдуди «Ребус» омода шудааст.
Мақсади асосии барнома рушди соҳаи сайёҳӣ ва ба гардишгарони хориҷӣ муаррифӣ намудани на танҳо зебоию меҳмоннавозии Тоҷикистон, балки мавзеъҳои нодири ҷумҳурӣ мебошад.
«Харитаи сайёҳии Тоҷикистон» тамоми маълумоти заруриро дар бораи маконҳои сайёҳӣ, аз ҷумла меҳмонхонаҳо ва тарабхонаҳо дар Тоҷикистон пешниҳод менамояд.
Ин барномаи мобилӣ бе пайваст шудан ба шабакаи интернет фаъол мебошад.
Барномаи мобилии «Харитаи сайёҳии Тоҷикистон»-ро хоҳишмандон метавонанд аз «Google Play» ва «App Store» ба телефонҳои мобилии худ пайваст намоянд.
Сайёҳӣ яке аз соҳаҳои ояндадор ва босуръат рушдёбанда дар ҷаҳон ба шумор рафта, дар рушди бахшҳои дигари иқтисодиёт нақши муассир мегузорад. Дар Тоҷикистон ин соҳа давра ба давра ба низоми рақамикунонӣ мегузарад.
Дар ин раванд ширкатҳои ватанӣ бо хизматрасонии муосир Тоҷикистонро ба ҷаҳониён беҳтару бештар муаррифӣ намуда, ба пешбурди соҳаи сайёҳӣ ва ҷалби сайёҳон мусоидат менамоянд.
Ёдовар мешавем, ки дар мамлакат барои рушди соҳаи сайёҳӣ тамоми заминаҳои меъёрӣ-ҳуқуқӣ мавҷуд буда, нақшаи чорабиниҳо оид ба амалисозии «Стратегияи рушди сайёҳӣ дар Ҷумҳурии Тоҷикистон барои давраи то соли 2030» мавриди амал қарор дорад.
АКС: Кумитаи рушди сайёҳии назди Ҳукумати Ҷумҳурии Тоҷикистон
Барои кормандони сохторҳои пойтахт ба мавзеъҳои сайёҳии Балҷувон ва Ховалинг хатсайр ташкил гардид
Ҳавопаймои нави Boeing 737-8 MAX ба Тоҷикистон ворид карда шуд
«МЕЪМОР-2026». Намоиш — озмуни ҷумҳуриявии беҳтарин лоиҳаҳои меъморӣ ва шаҳрсозӣ дар вилояти Суғд доир мешавад
ИСТИФОДАИ САМАРАНОКИ ЗАМИН. Дар ноҳияи Носири Хусрав моҳи август ҷамъоварии пахта оғоз мегардад
«ЭКО-2026». Дар мавзеи Ҳафткӯли шаҳри Панҷакент Ниммарафони панҷуми кӯҳӣ баргузор мешавад
Дар Душанбе Намоиши байналмилалии маҳсулоти саноати хӯрокворӣ ва бастабандии «UPAK EXPO 2026» доир мегардад
Дар сардхонаҳо ва анборхонаҳои Тоҷикистон ҳаҷми муайяни маҳсулоти кишоварзӣ захира гардидааст
Афзалияти Тоҷикистон дар соҳаи энергетика дар СММ муаррифӣ гардид
Имсол дар Тоҷикистон беш аз 240 ҳазор нафар кӯдакон ба синфи якум мераванд
Дар шаш моҳ беш аз 199 ҳазор сайёҳ маконҳои таърихӣ-фарҳангии шаҳри Кӯлобро тамошо намуданд
Оид ба сохтмони корхонаи саноатии коркарди маҳсулоти мазут дар ноҳияи Шуғнон созишномаи ҳамкорӣ ба имзо расид
Дар шаҳри Бохтар лоиҳаи «Шаҳри бехатар» амалӣ мегардад
