Ҳунармандони Мастчоҳ соҳиби грантҳои раиси ноҳия шуданд
ДУШАНБЕ, 17.12.2024 /АМИТ «Ховар»/. 5 ҳунарманди ноҳияи Мастчоҳ бо грантҳои раиси ноҳия сарфароз гардонида шуданд, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии ноҳияи Мастчоҳ.
Бо мақсади дастгирӣ ва рушди фаъолияти соҳибкории занони ҳунарманд ва мардони эҷодкор дар ноҳияи Мастчоҳ озмуни грантҳо баргузор шуда, 5 нафар ғолиб омаданд. Маблағи грантҳо аз 2000 то 5000 сомониро ташкил дода, ба беҳтарсозии шароити корӣ, афзоиши истеҳсоли маҳсулоти ҳунармандӣ ва рушди фаъолияти эҷодии ғолибон равона шудааст.
Раиси ноҳияи Мастчоҳ Аъзам Ализода зимни супоридани грантҳо таъкид намуд, ки «ҳунармандӣ ҷузъи муҳими мероси фарҳангӣ буда, ба рушди ҷомеа ва дастгирии иқтисоди маҳаллӣ мусоидат мекунад. Чунин ташаббусҳо дар оянда идома меёбанд, то ҳарчӣ бештари занон ба фаъолияти соҳибкорӣ ҷалб шаванд».
Таъсиси грантҳои Раиси ноҳияи Мастчоҳ ҷузъе аз сиёсати дастгирии рушди иқтисодии маҳаллӣ ва тавонмандсозии занон мебошад. Ҳунармандони маҳаллӣ на танҳо иқтисоди хонавода, балки фарҳанги миллӣ ва мероси ғайримоддии моро эҳё мекунанд.
Ғолибони озмун нақшаҳои худро барои истифодаи грантҳо муаррифӣ намуда, изҳор доштанд, ки ин дастгирӣ ба пешрафти кори онҳо ва ҷалби бештари занону духтарони хонанишин ба ҳунармандӣ мусоидат менамояд.
АКС: Мақомоти иҷроияи ҳокимияти давлатии ноҳияи Мастчоҳ
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
Имрӯз дар шаҳри Душанбе ҳаво то 35 дараҷа гарм мешавад
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
САВГАНДИ САДОҚАТ БА ХАЛҚУ ВАТАН! Дар шаҳри Бӯстон маросими савгандёдкунии наваскарон баргузор гардид
КИРМАКПАРВАРӢ. Имсол ба ҷамоатҳои шаҳри Истаравшан 200 қуттӣ кирмак тақсим карда шуд
