Аз Ҳизби Халқии Демократии Тоҷикистон дар ноҳияи Сино номзадҳо ба вакилии Маҷлиси вакилони халқи шаҳри Душанбе пешбарӣ гардиданд
ДУШАНБЕ, 22.01.2025. /АМИТ «Ховар»/. Имрӯз маҷлиси Кумитаи иҷроияи Ҳизби Халқии Демократии Тоҷикистон дар ноҳияи Синои шаҳри Душанбе баргузор гардид. Дар ин хусус ба АМИТ «Ховар» дар Кумитаи иҷроияи Ҳизби Халқии Демократии Тоҷикистон дар ноҳияи Сино хабар доданд.
Дар маҷлис баррасии масъалаҳои гузориши раиси Кумитаи иҷроияи Ҳизби Халқии Демократии Тоҷикистон дар ноҳияи Сино оид ба ҷамъбасти натиҷаҳои фаъолияти кумитаю ташкилоти ибтидоии ноҳиявии ҳизб дар соли 2024 ва вазифаҳо барои фаъолияти минбаъда, тасдиқи Нақшаи кори Кумитаи иҷроияи Ҳизби Халқии Демократии Тоҷикистон дар ноҳияи Сино барои шашмоҳаи якуми соли 2025, пешбарии номзадҳо ба вакилии Маҷлиси вакилони халқи шаҳри Душанбе дар ҳавзаҳои интихоботии ҳудуди ноҳияи Сино баррасӣ гардид. Инчунин пешбарии номзадҳо ба вакилии Маҷлиси вакилони халқи ноҳияи Сино, тасдиқи қарорҳои маҷлиси умумии кумитаю ташкилоти ибтидоии ҳизбӣ оид ба қабули аъзо ба сафи ҳизб, тасдиқи қарорҳои Маҷлиси муассисони ташкилоти ибтидоии ҳизбӣ оид ба таъсиси ташкилоти ибтидоии ҳизбӣ мавриди муҳокима қарор дода шуданд.
Мувофиқи масъалаи якуми рӯзномаи маҷлис гузориши Раиси Кумитаи иҷроияи Ҳизби Халқии Демократии Тоҷикистон дар ноҳияи Сино Зоҳир Ҳабибзода оид ба ҷамъбасти фаъолияти Кумитаи иҷроияи Ҳизби Халқии Демократии Тоҷикистон дар ноҳияи Сино дар нимсолаи дуюми соли 2024 ва вазифагузориҳо барои фаъолияти минбаъда шунида шуд.
Дар робита ба масъалаҳои сеюм ва чоруми рӯзнома вобаста ба пешбарии номзадҳо ба вакилии Маҷлиси вакилони халқи шаҳри Душанбе дар ҳавзаҳои интихоботии шаҳри Душанбе ва пешбарии номзадҳо ба вакилии Маҷлиси вакилони халқи ноҳияи Сино номзадҳои арзанда аз Ҳизби Халқии Демократии Тоҷикистон пешбарӣ гардиданд.
Вобаста ба тасдиқи қарорҳои маҷлиси умумии кумитаю ташкилоти ибтидоии ҳизбӣ оид ба қабули аъзо ба сафи ҳизб ва қарорҳои Маҷлиси муассисони ташкилоти ибтидоии ҳизбӣ оид ба таъсиси ташкилоти ибтидоии ҳизбӣ қарорҳои дахлдор қабул карда шуданд.
АКС: Кумитаи иҷроияи Ҳизби Халқии Демократии Тоҷикистон дар ноҳияи Сино
Дар ноҳияи Шаҳринав барои дар сатҳи баланд гузаронидани интихобот машварати омӯзишӣ доир шуд
Дар ноҳияи Шаҳринав оид ба маъракаи интихобот машғулияти омӯзишӣ доир гардид
ИНТИХОБОТИ ВАКИЛОНИ ХАЛҚ-2025. Ин маъракаи сиёсӣ имкони мусоид барои санҷиши масъулиятшиносии ҷавонон аст
ИНТИХОБОТИ ВАКИЛОНИ ХАЛҚ-2025. Марҳилаи пешбарии рӯйхати номзадҳо оид ба интихоботи вакилони Маҷлиси намояндагони Маҷлиси Олӣ ба анҷом расид
Конференсияи Кумитаи иҷроияи Ҳизби сотсиалистии Тоҷикистон дар шаҳри Ҳисор баргузор гардид
Номзад аз Ҳизби аграрии Тоҷикистон аз ҳавзаи интихоботии якмандатаи Ёвон, №29 пешбарӣ гардид
Маҷлиси Кумитаи иҷроияи Ҳизби аграрии Тоҷикистон дар шаҳри Ҳисор баргузор шуд
«ИНТИХОБОТ ВА ҶАВОНОН». Дар шаҳри Турсунзода ҳамоиши тарғиботӣ баргузор гардид
Маҷлиси васеи Кумитаи иҷроияи Ҳизби Халқии Демократии Тоҷикистон дар шаҳри Ҳисор баргузор гардид
Дар ҳавзаи якмандатии интихоботии Айнӣ, №22 номзад аз ҲХДТ пешбарӣ гардид
