Байни Тоҷикистон ва Эрон дар соҳаи стандартизатсия ва метрология Ёддошти тафоҳуми ҳамкорӣ ба имзо расид
ДУШАНБЕ, 17.01.2025. /АМИТ «Ховар»/. Тавре қаблан иттилоъ додем, 16 январ аз рӯйи натиҷаҳои мулоқоту музокироти сатҳи олии Тоҷикистон ва Эрон бо иштирок ва дар назди Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Президенти Ҷумҳурии Исломии Эрон муҳтарам Масъуд Пизишкиён 23 санади нави ҳамкорӣ табодул карда шуд.
Ёддошти тафоҳуми ҳамкорӣ байни Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон ва Созмони миллии стандарти Эрон дар соҳаи стандартизатсия ва метрология аз ҷумлаи ин санадҳо мебошад.
Тавре аз Агентии стандартизатсия, метрология, сертификатсия ва нозироти савдо ба АМИТ «Ховар» хабар доданд, Ёддошти тафоҳум бо мақсади рушди ҳамкорӣ дар самти стандартизатсия, танзими техникӣ ва метрология бо назардошти талаботу меъёрҳои байналмилалӣ ва манфиатҳои миллӣ табодул карда шуд.
Ҳамзамон Ёддошти тафоҳум барои ба роҳ мондани фаъолияти муштарак бобати ҳамоҳангсозии ҳуҷҷатҳои меъёрӣ-техникӣ, гузаронидани даврҳои омӯзишии кормандон дар самти стандартизатсия ва метрология шароити мусоид фароҳам меорад.
Ин санади ҳамкорӣ бо мақсади бартарафкунии монеаҳои техникӣ дар муносибатҳои иқтисодӣ-тиҷоратӣ ва илмӣ-техникӣ, бо назардошти манфиатҳои мутақобили иқтисодӣ ва манфиатҳои миллӣ боварӣ ҳосил намудан ба зарурати таъмини истеҳсоли маҳсулот ва хизматрасонии бехатар, ки ба ҳаёту саломатии инсон ва ҳифзи муҳити зист нигаронида шудааст, фаъолияти муштарак ҷиҳати ҳамоҳангсозии ҳуҷҷатҳои меъёрии техникӣ ва таъмини ченкунии ягона таҳия шудааст.
АКС: Хадамоти матбуоти Президенти Ҷумҳурии Тоҷикистон
Дар Тоҷикистон шумораи субъектҳои хоҷагидори амалкунанда беш аз 100 ҳазор зиёд гардидааст
Дар Тоҷикистон дар 25 соли охир ҳаҷми истеҳсоли маҳсулоти кишоварзӣ 122 баробар афзоиш ёфтааст
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
