Бонки миллии Тоҷикистон тангаҳои хотиравӣ ва ҷашниро ба фурӯш баровард

Январь 14, 2025 15:19

ДУШАНБЕ, 14.01.2025 /АМИТ «Ховар»/. Бонки миллии Тоҷикистон ба таваҷҷуҳи шаҳрвандон мерасонад, ки дар нуқтаҳои хизматрасонии хазинавӣ ва шуъбаҳои минтақавии бонк тангаҳои хотиравӣ ва ҷашнии аз филизи нуқра сиккашуда ба фурӯш гузошта шудаанд.  

АМИТ «Ховар» бо истинод ба Бонки миллии Тоҷикистон иттилоъ медиҳад, ки тангаҳои хотиравӣ ба ифтихори ҷашну солгарди шахсиятҳои бузурги адабиёти классикии тоҷику форс ва санаҳои муҳимми таърихӣ бо ҳадафҳои нумизматӣ аз нуқраи холис сикка зада шудаанд.

Тангаҳои хотиравӣ ва ҷашнии «600-солагии Абдураҳмони Ҷомӣ»,  «700-солагии Мир Сайид Алии Ҳамадонӣ», «20-солагии Конститутсияи Ҷумҳурии Тоҷикистон», «90-солагии шаҳри Душанбе», «5500-солагии Саразм», «3000-солагии Ҳисор», «Бозиҳои олимпӣ», «20-солагии Истиқлолияти Ҷумҳурии Тоҷикистон», «10-солагии Иттиҳоди Иқтисодии Авруосиё» ва «Бахшида ба оғози кори НБО-и «Роғун»» аз ҳамин қабил ҳастанд.

Шаҳрвандон имкон доранд барои дастрас намудани тангаҳои хотиравӣ ва ҷашнӣ ба Бонки миллии Тоҷикистон, шуъбаҳои минтақавии Бонки миллии Тоҷикистон дар шаҳрҳои  Хуҷанд, Бохтар, Кӯлоб, Хоруғ ва шаҳраки Ғарм муроҷиат намоянд.

Нумизматика чист?

Нумизматика — илм ё санъати ҷамъоварии тангаю сикка ва дигар рамзҳои пулии таърихӣ мебошад. Ин соҳа ба омӯзиши таърих мусоидат карда, ҳамчун анъанаи фарҳангӣ дар ҷомеи кишварҳои гуногун рушд намудааст.

Ҷамъоварии тангаҳои хотиравӣ ва ҷашнӣ ҳамчун қисми таркибии ин соҳа на танҳо барои коллексионерон, балки муҳаққиқони таърих низ манфиатовар мебошад, зеро дар пайдо намудани маълумоти ҷолиб оид ба таъриху равандҳои иқтисодӣ ва сиёсии давраҳои гуногун, ҷашнҳои миллӣ ё байналмилалӣ ва муаррифии шахсиятҳои бузурги замон кумак менамояд. Тангаҳои хотиравӣ ва ҷашнӣ дар пур кардани коллексияҳо ва ба самъи ҷомеа расонидани аҳаммияти арзишҳои таърихию фарҳангии давлат низ нақши муҳим доранд.

АКС: Бонки миллии Тоҷикистон

Январь 14, 2025 15:19

Хабарҳои дигари ин бахш

ҚУРБИ АСЪОР: 1 доллари ИМА аз 9.2916 то 9.3500 сомонӣ муқаррар шудааст
ҚУРБИ АСЪОР: 1 рубли русӣ аз 0.1141 то 0.1120 сомонӣ муқаррар шудааст
ҚУРБИ АСЪОР: 1 евро аз 10.8639 то 10.7000 сомонӣ муқаррар шудааст
ҚУРБИ АСЪОР: 1 доллари ИМА аз 9.3150 то 9.3500 сомонӣ муқаррар шудааст
Таҳкими ҳамкорӣ дар доираи лоиҳаҳои Бонки аврупоии таҷдид ва рушд дар бахши молиявӣ баррасӣ гардид
ҚУРБИ АСЪОР: 1 рубли русӣ аз 0.1133 то 0.1120 сомонӣ муқаррар шудааст
«ЗАБОНИ МИЛЛАТ — ҲАСТИИ МИЛЛАТ». Дар «Саноатсодиротбонк» бахшида ба Рӯзи забони давлатӣ ҳамоиш доир гардид
ҚУРБИ АСЪОР: 1 доллари ИМА аз 9.3307 то 9.3800 сомонӣ муқаррар шудааст
«Амонатбонк» дар доираи панҷсолаи рушди иқтисоди рақамӣ конфронси илмӣ-амалӣ баргузор намуд
Аз 22 октябр дар Тоҷикистон «Низоми ягонаи суғуртаи электронӣ» ба фаъолият оғоз менамояд
ҚУРБИ АСЪОР: 1 рубли русӣ аз 0.1150 то 0.1120 сомонӣ муқаррар шудааст
Пешрафти Тоҷикистон тибқи чор самти афзалиятноки Барномаи ОИС-2025 дар Форуми бонкҳои марказии СҲИ арзёбӣ гардид