Дар 39 ҳавзаи интихоботии шаҳри Бохтар номзадҳо ба вакилии Маҷлиси вакилони халқ пешбарӣ шуданд

ДУШАНБЕ, 23.01.2025. /АМИТ «Ховар»/. 22 январ дар шаҳри Бохтар маҷлиси Кумитаи иҷроияи Ҳизби Халқии Демократии Тоҷикистон баргузор гардид. Дар он оид ба ҷамъбасти фаъолияти кумитаю ташкилоти ибтидоии шаҳрии ҳизб дар соли 2024 ва вазифаҳо барои фаъолияти минбаъда, пешбарӣ намудани номзадҳо ба вакилии Маҷлиси вакилони халқи вилояти Хатлон, пешбарии номзадҳо ба вакилии Маҷлиси вакилони халқи шаҳри Бохтар дар 39 ҳавзаи интихоботии шаҳри Бохтар мавриди баррасӣ қарор дода шуданд.

Тавре ба АМИТ «Ховар» аз Кумитаи иҷроияи Ҳизби Халқии Демократии Тоҷикистон дар шаҳри Бохтар иттилоъ доданд, дар ҷараёни маҷлис номзадҳо ба вакилии Маҷлиси вакилони халқи вилоят муаррифӣ гардиданд.

Ба Маҷлиси вакилони халқи вилояти Хатлон дар ҳавзаи интихоботии вилоятии №1 номзадии Давлаталӣ Саид, дар ҳавзаи интихоботии №2 номзадии Абдулмаҷид Муминзод, дар ҳавзаи интихоботии №3 номзадии Ҳасан Асадуллозода ва дар ҳавзаи интихоботии №4 номзадии Фирдавс Валиев пешбарӣ гардид. Ҳамзамон дар 39 ҳавзаи интихоботии шаҳрӣ номзадҳо пешбарӣ гардиданд.

АКС: Кумитаи иҷроияи Ҳизби Халқии Демократии Тоҷикистон дар шаҳри Бохтар