Дар ҳавзаи якмандатии интихоботии Айнӣ, №22 номзад аз ҲХДТ пешбарӣ гардид

ДУШАНБЕ, 11.01.2025. /АМИТ «Ховар»/. Аз ҷониби Ҳизби Халқии Демократии Тоҷикистон номзадии Қиёмиддин Давлатзода ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи якмандатии интихоботии Айнӣ, №22 пешбарӣ карда шуд.

Тавре дар Кумитаи иҷрояи Ҳизби Халқии Демократии Тоҷикистон дар ноҳияи Айнӣ иттилоъ доданд, 10 январ дар ноҳияи Айнӣ маҷлиси якҷояи кумитаҳои иҷроияи Ҳизби Халқии Демократии Тоҷикистон дар ноҳияҳои Айнӣ, Кӯҳистони Мастчоҳ ва шаҳри Панҷакент баргузор гардид.

Дар маҷлис масъалаҳои тарғиб ва амалигардонии нуктаҳои Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» аз 28 декабри соли 2024, ташкили Ситоди пешазинтихоботии Кумитаи иҷроияи Ҳизби Халқии Демократии Тоҷикистон дар ноҳияи Айнӣ ва номзад ба вакилии Маҷлиси намояндагон мавриди баррасӣ қарор гирифтанд.

Ёдовар мешавем, ки моддаҳои 30 ва 31-и Қонуни конститутсионии Ҷумҳурии Тоҷикистон «Дар бораи интихоботи Маҷлиси Олии Ҷумҳурии Тоҷикистон» ба ҳизбҳои сиёсӣ имконият медиҳад, ки 60 рӯз пеш аз интихобот ва 45 рӯз мондан то интихобот ба вакили Маҷлиси намояндагони Маҷлиси Олии Ҷумҳурии Тоҷикистон дар ҳавзаҳои якмандатии интихобот номзад пешбарӣ намоянд.

 АКС: Кумитаи иҷрояи Ҳизби Халқии Демократии Тоҷикистон дар ноҳияи Айнӣ