Дар Донишгоҳи технологии Тоҷикистон Маркази таълимӣ оид ба омода намудани мутахассисони хурди касбӣ таъсис меёбад
ДУШАНБЕ, 25.01.2025 /АМИТ «Ховар»/. 23 январ бо мақсади густариши ҳамкорӣ бо ташкилоту созмонҳои кореягӣ ректори Донишгоҳи технологии Тоҷикистон Зоир Раҳмонзода бо директори генералии Ҷамъияти дорои масъулияти маҳдуди «Шодиёна консалтинг», ки он ҳамзамон директори лоиҳаи корпоратсияи EFC-и Ҷумҳурии Корея мебошад, вохӯрӣ намуд.
Тавре АМИТ «Ховар» бо истинод ба ин донишгоҳ хабар медиҳад, зимни вохӯрӣ масъалаҳо роҷеъ ба таъсис ва ташкили фаъолияти Маркази таълимӣ оид ба омода намудани мутахассисони хурди касбӣ барои таъмини рушди шуғл дар бозори меҳнат дар заминаи донишгоҳ баррасӣ гардида, ҷонибҳо шарномаи ҳамкорӣ ба имзо расониданд.
Имзои шартномаи ҳамкорӣ қадами муҳим дар самти омода намудани кадрҳои соҳибихтисос дар соҳаи меҳнат ва шуғли аҳолӣ, такмили ихтисос ва бозомӯзии касбӣ аз рӯи самтҳои гуногуни фаъолият ва омӯзиши забони кореягӣ ба ҳисоб меравад.
Бояд гуфт, ки 8 июли соли 2024 байни Вазорати саноат ва технологияҳои нави Ҷумҳурии Тоҷикистон, Донишгоҳи технологии Тоҷикистон ва корпоратсияи EFC-и Ҷумҳурии Корея ёддошти ҳусни тафоҳуми сеҷониба ба имзо расонида шуд.
АКС: Донишгоҳи технологии Тоҷикистон
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
Бо иштироки 602 нафар довталаб даври шаҳрии Озмуни ҷумҳуриявии «Илм-фурӯғи маърифат» оғоз гардид
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Беш аз 200 нафар ба даври ниҳоии озмун роҳхат гирифтанд
Дар Филиали Донишгоҳи миллии тадқиқотии «Донишкадаи энергетикии Москва» дар шаҳри Душанбе озмоишгоҳи нав ба истифода дода шуд
Маркази миллии тестӣ давраи сеюми бақайдгирии довталабонро тамдид намуд
Имрӯз даври сеюми Озмуни ҷумҳуриявии «Илм — фурӯғи маърифат» оғоз гардид
Тоҷикистон натиҷаҳои аввалини PISA 2025-ро муаррифӣ мекунад
Байни Донишгоҳи байналмилалии сайёҳӣ ва соҳибкории Тоҷикистон ва MERI Centre for International Studies Ёддошти тафоҳум ба имзо расид
МАОРИФ — САРМОЯИ МИЛЛАТ. Дар ҳошияи суханронии Президенти Тоҷикистон муҳтарам Эмомалӣ Раҳмон ба муносибати Рӯзи дониш
35 СОЛИ ИСТИҚЛОЛ. Донишгоҳи давлатии омӯзгории Тоҷикистон ба талаботи асри технология мутобиқ гардидааст
Дар Донишгоҳи давлатии Кӯлоб ба ифтихори 35-солагии Истиқлоли давлатӣ ҳамоиши тантанавӣ доир шуд
