ДУШАНБЕ ДАР GOOGLEMAP, YANDEXMAP ВА OSM. 1500 акси ҷолиби пойтахти Тоҷикистон дар ин харитаҳои рақамии бонуфузи ҷаҳонӣ ҷой карда шуд
ДУШАНБЕ, 09.01.2025 /АМИТ «Ховар»/. Имрӯз бо ташаббуси шуъбаи рушди сайёҳии Мақомоти иҷроияи ҳокимияти давлатии шаҳри Душанбе дар ҳамкорӣ бо Муассисаи давлатии «Маркази таҳлилӣ-иттилоотии назди Сарраёсати маорифи шаҳри Душанбе» дар робита ба ҷой кардани аксҳои ҷолиби шаҳри Душанбе дар харитаҳои рақамии бонуфузи сатҳи ҷаҳонӣ маросими рӯнамоӣ баргузор шуд. Дар ин хусус АМИТ «Ховар» бо истинод ба шуъбаи рушди сайёҳии Мақомоти иҷроияи ҳокимияти давлатии шаҳри Душанбе хабар медиҳад.
Дар чорабинӣ масъулони шуъбаи рушди сайёҳии Мақомоти иҷроияи ҳокимияти давлатии шаҳри Душанбе, Муассисаи давлатии «Маркази таҳлилӣ-иттилоотии назди Сарраёсати маорифи шаҳри Душанбе», донишҷӯёни Донишгоҳи байналмилалии сайёҳӣ ва соҳибкории Тоҷикистон, Академияи идоракунии давлатии назди Президенти Ҷумҳурии Тоҷикистон ва намояндагони воситаҳои ахбори омма иштирок намуданд.
Дар оғози чорабинӣ масъулони шуъбаи рушди сайёҳии Мақомоти иҷроияи ҳокимияти давлатии шаҳри Душанбе доир ба имконияти сайёҳии пойтахт, муаррифии онҳо дар сатҳи байналмилалӣ ва ҷалби бештари сайёҳон ба мамлакат ибрози назар намуданд.
Ҳадаф аз ин иқдом ҷалби бештари сайёҳони дохилию хориҷӣ, нишон додани иқтидори сайёҳӣ, муаррифии мероси таърихию фарҳангӣ ва тарғиби табиати нотакрори мамлакат ба шумор меравад.
Ин иқдом на танҳо ба муаррифии шаҳри Душанбе, балки ба рушди соҳаи сайёҳӣ ва тарғиби бештари Тоҷикистон, бахусус пойтахти он дар арсаи байналмилалӣ мусоидат мекунад.
Дар ҷараёни чорабинӣ зиёда аз 1500 акси ҷолибу диданӣ аз мавзеъҳои таърихию фарҳангӣ ва сайёҳии шаҳри Душанбе, ки чор фасли солро инъикос мекунанд, дар сомонаҳои интернетӣ ҷой дода шуд.
Сайёҳон аз гӯшаҳои гуногуни ҷаҳон ҳангоми ҷустуҷӯи шаҳри Душанбе дар харитаҳои рақамӣ, аз ҷумла дар GoogleMap, YandexMap ва OSM имкон пайдо менамоянд, ки бо дидани ин аксҳо бо зебоиҳои пойтахти Тоҷикистон шинос гарданд.
АКС: шуъбаи рушди сайёҳии Мақомоти иҷроияи ҳокимияти давлатии шаҳри Душанбе
Бо намояндагони вазорату идораҳои Италия, Сан-Марино, Малта ва Уругвай таҳкими ҳамкорӣ дар самти омӯзиши таҷриба баррасӣ шуд
Ҳайати Тоҷикистон дар Намоишгоҳи байналмилалии сайёҳӣ ва саноатии Теҳрон иштирок дорад
Президенти Ҷумҳурии Исломии Эрон Масъуд Пизишкиён дар шаҳри Теҳрон ба гӯшаи сайёҳии Тоҷикистон ташриф овард
«BORSA INTERNAZIONALE DEL TURISMO». Имконоти сайёҳии Тоҷикистон дар намоишгоҳи байналмилалии сайёҳӣ муаррифӣ гардид
Роҳбарияти Донишгоҳи байналмилалии сайëҳӣ ва соҳибкории Тоҷикистон дар Биржаи байналмилалии сайёҳии Милан-2025 иштирок намуд
НИШАСТИ МАТБУОТӢ. Соли 2024 ҳаҷми истеҳсоли маҳсулоти саноатӣ дар шаҳри Душанбе ба 5,2 миллиард сомонӣ баробар гардид
Корхонаҳои саноатии ноҳияи Исмоили Сомонии пойтахт ба маблағи беш аз 1 миллиард сомонӣ маҳсулот истеҳсол намуданд
НИШАСТИ МАТБУОТӢ. Дар ноҳияи Сино 7 коргоҳу корхонаи саноатӣ бунёд мешавад
«НАВРӮЗИ ДУШАНБЕ – МЕҲВАРИ РОБИТАҲОИ ФАРҲАНГИЮ САЙЁҲӢ». Таҳти ин унвон 20 март дар пойтахти Тоҷикистон Форуми IV байналмилалӣ баргузор мешавад
«ҶОМИ РАИСИ ШАҲРИ ДУШАНБЕ». Мусобиқаи кушоди варзишӣ оид ба волейбол байни духтарон доир мешавад
НИШАСТИ МАТБУОТӢ. Роҳи автомобилгарди маҳаллаҳои Чимтеппа, Дарёобод ва Сарикиштии ноҳияи Фирдавсӣ пурра таъмир гардид
Оид ба рушди бонизоми зеҳни сунъӣ конференсияи илмӣ-назариявӣ доир гардид
