Маркази ҷумҳуриявии илмии хуни Тоҷикистон ва Созмони интиқоли хуни Эрон ёддошти тафоҳум ба имзо расониданд
ДУШАНБЕ, 18.01.2025. /АМИТ «Ховар»/. Тавре қаблан иттилоъ додем, 16 январ аз рӯйи натиҷаҳои мулоқоту музокироти сатҳи олии Тоҷикистон ва Эрон бо иштирок ва дар назди Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Президенти Ҷумҳурии Исломии Эрон муҳтарам Масъуд Пизишкиён 23 санади нави ҳамкорӣ табодул карда шуд.
Ёддошти тафоҳум байни Маркази ҷумҳуриявии илмии хуни Тоҷикистон ва Созмони интиқоли хуни Эрон барои табодули таҷриба ва ҳамкорӣ дар самти интиқоли хун ба имзо расонида шуд.
Тавре муовини директори Маркази ҷумҳуриявии илмии хуни Тоҷикистон Азимиддин Қутбиддинов иброз намуд, «Марказ бо Ҷумҳурии Исломии Эрон дар самти истифодаи хун ҳамкорӣ менамояд. Бо имзои ин санад дар оянда баргузории даврҳои омӯзишӣ дар ду давлат ва истифода аз таҷрибаи Созмони интиқоли хуни Эрон дар Тоҷикистон ҳамкорӣ бештар мегардад.
Соли 2024 марказ барои нигоҳдории хун таҷҳизоти навтарин дастрас намуд, ки тавассути он сатҳи захираи хун дар ҷумҳурӣ боз ҳам беҳтар мегардад. Дар доираи ин санади ҳамкорӣ мо нақша дорем, ки мутахассисони марказро ба Эрон барои табодули таҷриба дар самти нигоҳдорӣ ва захираи хун равон намоем».
Ҳамчунин дар доираи ин санад Маркази ҷумҳуриявии илмии хуни Тоҷикистон ва Созмони интиқоли хуни Эрон нақша доранд, ки барои таъмини бехатарии хун, хароҷоти сарфа барои захираи хун, ҷалби васеи аҳолӣ барои донорӣ ва интиқоли хун бештар ҳамкорӣ намоянд.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
Дар ноҳияи Данғара нақшаи ҷамъоварии пахта 100 фоиз иҷро гардид
Дар ноҳияи Деваштич иншооти гуногуни иҷтимоӣ ба истифода дода шуданд
Дар Академияи идоракунии давлатӣ оид ба нақши Конститутсия дар таъмини баробарии гендерӣ ҳамоиш доир шуд
