Номзад аз Ҳизби Халқии Демократии Тоҷикистон дар ҳавзаи интихоботии якмандатии Ҷаббор Расулов №16 пешбарӣ гардид

ДУШАНБЕ, 07.01.2024. /АМИТ «Ховар»/. 4 январ маҷлиси якҷояи Кумитаи иҷроияи Ҳизби Халқии Демократии Тоҷикистон дар ноҳияҳои Ҷаббор Расулов ва Зафаробод вобаста ба пешбарии номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатии Ҷаббор Расулов №16 баргузор гардид, хабар медиҳад АМИТ «Ховар».

Тибқи рӯзномаи маҷлиси Кумитаи иҷроияи Ҳизби Халқии Демократии Тоҷикистон дар ноҳияи Ҷаббор Расулов  масъалаҳои вобаста ба  тасдиқи Нақшаи чорабиниҳо оид ба таблиғу ташвиқи Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» аз 28 декабри соли 2024, таъсиси Ситоди пешазинтихоботии Кумитаи иҷроияи Ҳизби Халқии Демократии Тоҷикистон дар ноҳияҳои Ҷаббор Расулов ва Зафаробод ва  пешбарии номзад ба вакилии Маҷлиси намояндагони Маҷлиси Олии Ҷумҳурии Тоҷикистон  аз ҳавзаи интихоботии якмандатии  Ҷаббор Расулов №16 баррасӣ гардид.

Тибқи моддаи 31-и Қонуни конститутсионии Ҷумҳурии Тоҷикистон «Дар бораи интихоботи Маҷлиси Олии Ҷумҳурии Тоҷикистон» номзадии Каримзода Фарҳод Абдуқайим ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатии Ҷаббор Расулов №16 ба муҳокимаи аъзои Кумитаи иҷроия пешниҳод гардида, дар ин замина номзад муаррифӣ карда шуд.

Ҳамзамон тибқи моддаи 31 номзадии Каримзода Фарҳод Абдуқайим ба бюллетени овоздиҳии пинҳонӣ сабти ном карда шуда, давоми 10 дақиқаи танаффус аъзои Кумитаи иҷроия вобаста ба ин масъала мавқеи хешро муайян намуданд.

Оид ба ин масъала лоиҳаи қарори Маҷлиси Кумитаи иҷроия  «Дар бораи пешбарии номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатии Ҷаббор Расулов №16” барои тасдиқ ба овоз монда шуда, аз ҷониби аъзои Кумитаи иҷроия дастгирӣ ёфт.