ҶОМИ ФФТ-2025. «Истиқлол» дар бозии аввал аз дастаи футболи «Ҳосилот»-и ноҳияи Фархор мағлуб гардид
ДУШАНБЕ, 22.01.2025 /АМИТ «Ховар»/. Дастаҳои футболи «Истиқлол»-и шаҳри Душанбе ва «Ҳосилот»-и ноҳияи Фархор дар доираи бозиҳои даври аввали марҳилаи интихобии Ҷоми Федератсияи футболи Тоҷикистон дар соли 2025 бо ҳам рақобат намуданд. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Вохӯрии дастаҳо дар Варзишгоҳи марказии шаҳри Душанбе баргузор шуда, бо ҳисоби 0 бар 1 ба фоидаи дастаи футболи «Ҳосилот»-и ноҳияи Фархор анҷом ёфт. Голи ягонаи вохӯриро собиқ бозингари дастаи футболи «Истиқлол»-и шаҳри Душанбе Паҳлавон Баҳризода дар дақиқаи 80-ум ба нишон расонид.
Дастаи футболи «Истиқлол»-и шаҳри Душанбе дар бозиҳои интихобии минтақаи Душанбе вориди гурӯҳи «Б» бо дастаҳои футболи «Сардор»-и шаҳри Турсунзода, «Ҳосилот»-и ноҳияи Фархор, «Барқчӣ»-и шаҳри Ҳисор ва «Ҳулбук»-и ноҳияи Восеъ мебошад. Дар бозии оянда дастаи футболи «Истиқлол»-и шаҳри Душанбе бо дастаи «Сардор»-и шаҳри Турсунзода 24 январи соли 2025 рақобат мекунад. Дастаи футболи «Ҳосилот»-и ноҳияи Фархор дар ҳамин рӯз бо дастаи футболи «Барқчӣ»-и шаҳри Ҳисор бозӣ мекунад.
Ёдовар мешавем, ки дар мусобиқаи пешазмавсимии Ҷоми Федератсияи футболи Тоҷикистон, ки зери сарпарастии Президенти Федератсияи футболи Тоҷикистон баргузор мегардад, имсол фонди ҷоизавӣ дар ҳаҷми 100 ҳазор сомонӣ муайян гардид. Дастаи ғолиб 50 ҳазор, соҳиби ҷойи дуюм 30 ҳазор ва ҷойи сеюм 20 ҳазор сомонӣ ба даст меоранд.
Ба марҳилаи ниҳоии мусобиқа чор даста аз минтақаи Душанбе ва дутоӣ даста аз минтақаҳои Суғду Хатлон роҳ меёбанд.
АКС: Федератсияи футболи Тоҷикистон
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
