Соли 2024 7584 сайёҳи хориҷӣ осорхонаҳои шаҳру ноҳияҳои Тоҷикистонро тамошо кардаанд

ДУШАНБЕ, 28.01.2025 /АМИТ «Ховар»/. Соли гузашта 7584  сайёҳи хориҷӣ осорхонаҳои шаҳру ноҳияҳои Тоҷикистонро тамошо кардаанд. Дар ин хусус зимни нишасти матбуотии Вазорати фарҳанги Ҷумҳурии Тоҷикистон, ки 27 январи соли равон доир гардид, хабар доданд.

Дар нишасти матбуотӣ  ҳамчунин  иттилоъ  дода шуд, ки  фонди осорхонаҳои ҷумҳурӣ (якҷоя бо фонди Осорхонаи миллии Тоҷикистон, осорхонаҳои Академияи миллии илмҳои ҷумҳурӣ ва хона — музейҳо) 316 326 адад нигораҳои дорои арзиши баланди таърихию фарҳангиро ташкил медиҳад.  Аз ин шумора 173 396  адад нигораҳо дар Осорхонаҳои таърихӣ —кишвар шиносии шаҳру ноҳияҳои ҷумҳурӣ мебошад.

«Соли 2024  осорхонаҳои шаҳру ноҳияҳои мамлакат 286 сайри осорхонавиро бо фарогирии 134 584 нафар тамошобин, аз ҷумла 7584 сайёҳи хориҷӣ доир намуда, дар  ин зимн, дар самти фаъолияти илмӣ 59 чорабинии илмӣ-фарҳангӣ, 5 конфронс ва 24  мизи муддавар  баргузор карда шуданд», — иброз гардид дар нишаст.