ТАҚВИМИ АМИТ «ХОВАР»: имрӯз 28 январ, сешанбе, 28-умин рӯзи соли 2025 аст

Дар ин рӯзи соли 1939 маҷаллаи ҷамъиятию сиёсӣ ва иҷтимоию фарҳангии «Тоҷикистон» таъсис дода шуд.

***

28 январи соли 1943 дар Олмон даъвати занон ба хизмати ҳарбӣ эълон шуд.

***

Соли 2003 дар Британияи Кабир навъи нави сӯзишворӣ ба фурӯш бароварда шуд.

***

28 январи соли 2009 Маҷлиси намояндагони Маҷлиси Олии  Ҷумҳурии Тоҷикистон Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Исломии Покистон «Дар бораи  ҳавасмандгардонӣ ва ҳифзи мутақобили сармоягузорӣ»-ро тасдиқ намуд.

***

28 январи соли 2013 бо мақсади ташаккули тарзи ҳаёти солим, пешгирӣ намудани таъсири омилҳои хатарноки маҳсулоти тамоку ба саломатии инсон, инчунин танзими муомилоти маҳсулоти тамоку фармони Президенти Ҷумҳурии Тоҷикистон «Дар бораи танзими муомилоти маҳсулоти тамоку» ба имзо расид.

***

Дар ин рӯзи соли 2015 дар шаҳри Душанбе ҷаласаи Комиссияи ҳукуматии Ҷумҳурии Тоҷикистон оид ба масъалаҳои таъмини бехатарии ҳаракат дар роҳҳо баргузор гардид.

***

28 январи соли 2015 дар шаҳри Кӯлоби вилояти Хатлон Коллеҷи милитсияи Вазорати корҳои дохилии Ҷумҳурии Тоҷикистон ифтитоҳ шуд.

***

28 январи соли 2016 дар баҳри Эгей, дар наздикии соҳили Юнон киштии муҳоҷирон ба садама дучор шуд.

***

Дар ин рӯзи соли 2020 таҳти раёсати Сарвазири мамлакат Қоҳир Расулзода ҷаласаи навбатии Шурои миллии муқовимат ба коррупсияи Ҷумҳурии Тоҷикистон баргузор гардид.

***

Дар ин рӯзи соли 2023 АМИТ «Ховар» хабар дод, ки дар шаҳри Москва ҷаласаи навбатии Шурои ҷамъиятии назди Сафорати Ҷумҳурии Тоҷикистон дар Федератсияи Русия баргузор шуд.

28 ЯНВАР:

Рӯзи ҷаҳонии ҳифзи маълумоти шахсӣ.

***

Дар Арманистон – Рӯзи қӯшун.