Ҳамкории дуҷониба дар соҳаи варзиш байни Тоҷикистон ва Эрон муҳокима шуд
ДУШАНБЕ, 10.02.2025. /АМИТ «Ховар»/. 7 феврал дар шаҳри Ҳарбини Ҷумҳурии Мардумии Чин вохӯрии Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, ноиби аввали Президенти Кумитаи миллии олимпии Тоҷикистон Зулфиқор Гулаҳмадзода бо Президенти Кумитаи миллии олимпии Ҷумҳурии Исломии Эрон Маҳмуд Хусрави Вафо баргузор гардид. Дар ин хусус ба АМИТ «Ховар» аз Кумитаи кор бо ҷавонон ва варзиш хабар доданд.
Зимни мулоқот ҷонибҳо доир ба густариши ҳамкории дуҷониба дар соҳаи варзиш ва фаъолияти олимпӣ табодули назар намуданд. Таъкид гардид, ки рушди муносибатҳои варзишӣ байни Тоҷикистон ва Эрон ба таҳкими дӯстӣ ва ҳамкории байналмилалӣ мусоидат мекунад.
Раиси Кумитаи миллии олимпии Тоҷикистон бо ишора ба нақши варзиш дар таҳкими робитаҳои дӯстона байни давлатҳо иброз дошт, ки Ҷумҳурии Тоҷикистон омода аст ҳамкориро бо Ҷумҳурии Исломии Эрон дар самти мубодилаи таҷриба, баргузор намудани мусобиқаҳои муштарак ва рушди донишу ҷаҳонбинии варзишгарони ҷавон тақвият диҳад. Ҳамчунин таъкид гардид, ки рушди варзиш ва тарзи ҳаёти солим аз ҳадафҳои асосии сиёсати давлатии Ҷумҳурии Тоҷикистон маҳсуб мешавад.
Маҳмуд Хусрави Вафо аз ҳамкории дуҷониба изҳори қаноатмандӣ намуда, омодагии ҷониби Эронро барои таҳкими робитаҳои варзишӣ ва мусоидат ба рушди ҳунари варзишгарони тоҷик таъкид намуд.
Дар ҷараёни мулоқот масъалаҳои омодагӣ ба мусобиқаҳои байналмилалӣ, иштирок дар чорабиниҳои олимпӣ ва густариши робитаҳои мутақобили судманди ҳарду давлат дар соҳаи варзиш баррасӣ шуданд.
Зимнан ҷонибҳо бо таъкиди аҳамияти ҳамкории дуҷониба дар доираи созмонҳои байналмилалии олимпӣ барои таҳкиму рушди ҳамкории минбаъда дар соҳаи варзиш изҳори омодагӣ намуданд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
Дар Душанбе Рӯзи ҷавонони Тоҷикистон бошукуҳ таҷлил карда шуд
