Ҳамкории Тоҷикистон бо Созмони ҷаҳонии исломӣ оид ба масъалаҳои маориф, илм ва фарҳанг баррасӣ шуд

ДУШАНБЕ, 27.02.2025 /АМИТ «Ховар»/. 26 феврал дар шаҳри Тунис мулоқоти ёрдамчии Президенти Ҷумҳурии Тоҷикистон оид ба масъалаҳои робитаҳои хориҷӣ Азамшо Шарифӣ бо Директори генералии Созмони ҷаҳонии исломӣ оид ба масъалаҳои маориф, илм ва фарҳанг (ИСЕСКО) Салим бинни Муҳаммад ал-Малик баргузор гардид.

Тавре АМИТ «Ховар» бо истинод ба Вазорати корҳои хориҷии Тоҷикистон хабар медиҳад, зимни мулоқот ҷонибҳо оид ба густариши ҳамкории Тоҷикистон ва Созмони ҷаҳонии исломӣ оид ба масъалаҳои маориф, илм ва фарҳанг дар бахшҳои илм, маориф ва фарҳанг мубодилаи афкор намуда, барои татбиқи барномаю лоиҳаҳои муштарак дар чаҳорчӯби ин созмон изҳори омодагӣ намуданд.

Ёдовар мешавем, ки 25-26 феврал дар шаҳри Тунис иҷлосияи 45-уми Шурои иҷроияи Созмони ҷаҳонии исломӣ оид ба масъалаҳои маориф, илм ва фарҳанг (ИСЕСКО) доир шуд.

АКС: Вазорати корҳои хориҷии Тоҷикистон